aYohana 14:26 - Izere New Testament

²⁶ Amma Aner Kutobok, a ta nye Kabik Kazhe̱l'e aya Ada tana tom'e kaye̱e̱r riyerek'i, wu ne a tà ka bo̱so̱p yin koakye, ne a ka yiring yin koakye ike̱ng mi tá fe̱ be yin.

aYohana 14:26 Referans Kwoze

aYohana 15:26

“Izen iya ne Aner Kutobok'ong be̱, aya a tana ne nufe Ada. Wu ne a nye Kabik kafe katsak. A tà fe̱ itak natoon'i.

aYohana 14:16

Mi tà nye Ada'me izong nong a tà ka no̱o̱k yin Aner Kutobok ne a sor tà mak be yin ma izen izen.

1 aYohana 2:27

Amma yin, yin n se̱ yin Kabik Kazhe̱l'e nufe aYeso kaya ka ta sor be yin koakye izen. Kamok anong yin ba tse̱r yin aner akak a tana ka bo̱so̱p yin'e baꞌ. Kabik wu tà ka bo̱so̱p yin ike̱re̱'me ife katsak cei. Kukasa wu tin kasa yir nye katsak, ku nye kufe abo̱o̱s baꞌ. Kyo̱ndi a tá ka bo̱so̱p yin'e ye i ra sor yin kaye̱e̱r aYeso.

aYohana 16:7

Amma katsak'e ne mi ta ka tak yin: Kutseng'i tà ka sor yin ike̱ng itek kamok ke mi tseng baꞌ, Aner Kutobok ame tà be̱ baꞌ. Amma ke mi tseng mi tà se ka tom yin'e.

1 aYohana 2:20

Amma yin, yin se̱ yin Kabik Kazhe̱l'e kamok Adakunom tá ka kasa yin. Kamok anong cice̱r yin, yin ren yin ike̱re̱ i ta nye katsak.

1 aKoranti 6:19

Yin ren yin ye kuro̱m yin nye karo̱ kusor Kabik Kazhe̱l'e aꞌa? Wu ne a se kaye̱e̱r yin, aya Adakunom tá ka no̱o̱k yin aꞌa? Yin sor yin kusor rice yin baꞌ,

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

Itomong Ámanzo 2:4

A tú shining ba cice̱r be Kabik Kazhe̱l'e ne á kpaan kufe̱ kanu ni írem ze̱r ze̱r kyo̱ndi Kabik Kazhe̱l'e tá ka no̱o̱k ba kukyem kufe̱'me.

aYohana 2:22

Nama aYeso tá dorok nure̱k, álimazhiri wu yiring be ike̱ng ife wu tin fe̱ natoon'e. Iyong ba ti no̱o̱k katsak rife̱ Adakunom ne rife̱ aYeso tá tsang a fe̱ be ba.

Itomong Ámanzo 13:2

Nizen ba tá sen ya Adakunom iben ne á nye azumi yong Kabik Kazhe̱l'e fe̱ be ba ye, “Ni sak yin aBarnabas be Ashawulu nukim nong ase̱ á tin nye itomong iya mi tan sak ye ba tin nye'me.”

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

1 aYohana 5:7

Kamok anong, íren itaar kuse yir tana ren yir katsak natoon aYeso.

aTitus 3:5

a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas.

aLuka 24:49

Mi tà ka tom yin ike̱ng Ada mi tá tsang a ni sak ye a tà ka no̱o̱k yin, amma sor yin kaye̱e̱r kuwo̱p na, ma a tà kis yin be kukyem kuya ku ta ne naza.”

aZhud 1:20

Amma yin, ároneng áya mi ta shim, naka no̱k yin natoon kuno̱o̱k katsak yin kuzhe̱l'e ne i nye yin aduwa kaye̱e̱r Kabik Kazhe̱l'e.

Ibrani 9:8

Iyu ne i sak Kabik Kazhe̱l'e tá tonong ye, an karak karo̱ ka ta nar kuse zhe̱l nizham baꞌ, kum ke kubur'e ru kuse.

Ibrani 3:7

To̱, kyo̱ndi Kabik Kazhe̱l'e ta fe̱ ye, “Katuur, ke yin fok yin kuto̱ wu,

2 aKoranti 13:14

Ritek Agwo̱m Ágwo̱m yir aYeso Kiristi ne kushim Adakunom be kunyim rice Kabik Kazhe̱l'e se mak be yin cice̱r.

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.

1 aKoranti 12:3

Kamok anong mi shim yin tu ren yin ye, aner akak kuse aya a ta be Kabik Adakunom a tana fe̱ ye, “A ra fiming aYeso baꞌ.” Akak kyem a ta fe̱ ye, “aYeso nye Agwo̱m Ágwo̱m” baꞌ, ma ke a be Kabik Kazhe̱l'e.

2 aBitrus 1:21

Kamok kuzarap nye ike̱ng iya i ta ne kaye̱e̱r riye̱ anerawe tsek baꞌ, amma Kabik Adakunom kaya ka tá no̱o̱k kaye̱e̱r aye̱ ba ne ka sak ánerawe tá fe̱ ike̱re̱ iya ba tá shan nufe Adakunom.

aLuka 11:13

Ke yin, i ta nye yin amaan'e ren i nyesek yin inoon yin ike̱re̱ itek, shita Ada afe ta se naza ta won dar a no̱o̱k aya a tu ku rip Kabik Kazhe̱l'e e̱?”

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aLuka 1:41

Alisabatu tá fa fok ashou aMarya'me ne igon'e, naka borok be agap kaye̱e̱r kafa wu. Ne a shining Alisabatu be Kabik Kazhe̱l'e.

aMatiyu 3:11

“Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

Ibrani 2:4

Adakunom gip a tonong ye i se anong be kunye ike̱re̱ azhing ne ife kukyem ne kunang Kabik Kazhe̱l'e tá kasap anerawe kyo̱ndi wu ta shim.

2 aTimoti 1:14

Ni sak riye̱ be kubo̱so̱p kufe katsak a tá ka won amana'me. Kabik Kazhe̱l'e a ta se kaye̱e̱r aye̱ yir ta ka se̱ mo nong tin nye itomong.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Itomong Ámanzo 11:16

Iyong mi yiring ike̱ng iya Agwo̱m Ágwo̱m yir aYeso tá fe̱, ‘aYohana nye abatisma be ashi, amma a tà ka nye yin'e be Kabik Kazhe̱l'e.’

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”

aYohana 20:22

A tá fa fe̱ anong ne a nife̱e̱p isong wu niba, a tá fe̱ ye, “Inga yin Kabik Kazhe̱l'e.

aYohana 6:45

I se ni izibir kaye̱e̱r afumung áner kuzarap agbugbang'e ye, ‘Adakunom ne a tu ku bo̱so̱p ba'me cice̱r ba.’ Koangan afe a ta wesek kuto na Ada'me ne a bo̱so̱p nufu, a ta be̱ nunaan.

aMarkus 13:11

Izen iya ne á ta yising yin nong á ta tseng be yin naro̱ amok, sang tu yin daam yin be ike̱ng iya yin tana fe̱ yin baꞌ. Fe̱ yin ike̱ng iya i ta ka be̱ yin nizen iyong, kamok sang yin ne i fe̱ yin kanu baꞌ, amma Kabik Kazhe̱l'e.

aMatiyu 1:20

A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e.

Ibrani 10:15

Kabik Kazhe̱l'e fe̱ be yir anong gip natoon iyu. Ni ime̱se̱ng a fe̱ ye,

aYohana 12:16

Ni ime̱se̱ng'e álimazhiri wu tsang á ren ike̱ng'e baꞌ, ma nama a tá dorok aYeso be kuyiik, ba tá ra yiring'e ye, ike̱re̱'ong se ni izibir natoon wu kyo̱ndi ba tá mu ku nye'me.

aMarkus 12:36

Kabik Kazhe̱l'e ne ka sak aDauda ta fe̱ ye, “ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nubo̱k riya mi, ma mi sak ámudo̱n wan ta kpa kaben.” ’

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

2 aKoranti 6:6

Yir sor yir kusor kuzhe̱l'e ne kuren ike̱ng be kutsesek ne kuse kutek be kusor kaye̱e̱r Kabik Kazhe̱l'e ne kushim kufe katsak,

Itomong Ámanzo 20:35

Kaye̱e̱r koakye ike̱ng mi tá nye, mi ta ka tonong yin ye be kunye itomong ana dar karuur ne i se̱ yir áner aya a ta agap dim. Yiring yin be rife̱ Agwo̱m Ágwo̱m yir aYeso a tá fe̱ ye, ‘Aner kuno̱o̱k ike̱ng be riye̱ rikan ne a nar aya a tu ku no̱o̱k.’ ”

Itomong Ámanzo 15:8

Adakunom afe a ta ren kaye̱e̱r riye̱ koangan tonong ye wu tu ku shan ba, kum a tú ku no̱o̱k ba Kabik Kazhe̱l'e kyo̱ndi a tin no̱o̱k yir.

Itomong Ámanzo 7:51

“Yin áfe i ta shonong yin, be aye kyo̱ndi kuta, aya ato yin ta se nikpa! Yin tas yin átukop yin. Yin gaar ku kuus yin rife̱ Kabik Kazhe̱l'e koakye izen.

Itomong Ámanzo 1:4

Katuk kakak a ta sen ya naya mak be ba, a fe̱ be ba ye, “Sang tu dorok yin na aUshalima baꞌ, tor yin kunang kuya Ada mi tá fe̱ ye a tá ka no̱o̱k yin, kuya yin tá fok yin mi tá ka tak yin.

Itomong Ámanzo 1:2

ma katuk'a a tú ku sok a tá tseng kaye̱e̱r kaza. Nizham a tá ra ku sok a tá tseng kaye̱e̱r kaza, a ti nye itomong be Kabik Kazhe̱l'e nong a fe̱ be agap be ámanzo aya wu tá kasa.

aYohana 7:39

aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

aLuka 3:22

ne Kabik Kazhe̱l'e kyo̱ndi abo̱p ni tiik ni wu. Ne kuto̱ ne naza ye, “Wan ne i nye Igon'i kaya mi ta shim. Mi fok kusas wan dide̱ng.”

aLuka 1:67

A shining ada wu aZakariya be Kabik Kazhe̱l'e yong a nye kuzarap ye,

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

aLuka 1:15

Kamok a tà se yiik nasho̱o̱n Adakunom, a tà so̱ kugbe̱re̱ ka ike̱ng iya i tana ku sak a tà feng baꞌ. A tú ku shining be Kabik Kazhe̱l'e kum nutes wu.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

Itomong Ámanzo 28:25

Kamok anong nanan ti no̱ kaye̱e̱r ba yong á san ku naka kaas nama aBulus ta fe̱ rife̱ be ba ye, “Aser, Kabik Kazhe̱l'e fe̱ katsak be átukop yin, a tá fe̱ be Ishaya aner kuzarap ye,

Itomong Ámanzo 16:6

Ayong aBulus be áfudang wu tsang a gorok iben aFirizhiya ne aGalati kamok Kabik Kazhe̱l'e tú ku won ba nikum á ta taas Rife̱ Ritek Agwo̱m Ágwo̱m na Asiya baꞌ.

Itomong Ámanzo 15:28

Yir di yir kyo̱ndi Kabik Kazhe̱l'e ta di gip ye, i se gye̱r nong yir ta ka daam yin be ike̱ng ikak i ta nar ike̱re̱ iyiik'e na baꞌ.

Itomong Ámanzo 13:4

Kabik Kazhe̱l'e tom aBarnabas be Ashawulu yong á tseng na aSalukiya a tá se no̱ nukpara ashi a tá be na aSipurus.

Itomong Ámanzo 7:55

Amma Itifanus a tan shining be Kabik Kazhe̱l'e sok anyisi wu naza a tá ye̱re̱k kaza. Ne a di kuyiik Adakunom, ne a di aYeso tan nyeseng nubo̱k riya Adakunom.

Itomong Ámanzo 5:3

Ayong aBitrus fe̱ be wu ye, “Ananiya, akye̱ sak wan won Ishetan tá no̱ kaye̱e̱r riye̱ wan ma a tá ka sak wan bo̱ Kabik Kazhe̱l'e abo̱o̱s i tá sak ribir itso̱m karo̱ wan tá re̱p nukim e̱?

aLuka 2:25

To̱, aner akak tuse na aUshalima a tú ku yis ye aSiman, afe a tá se gye̱r nasho̱o̱n Adakunom, ne a nye Adakunom itomong. A se be kutor afe a tana be̱ a tsesek Isarela. Kabik Kazhe̱l'e se mak be wu.

aMatiyu 1:18

Ana ne kutes aYeso Kiristi se. Nizen iyong anyining nye kanamang kusam aYusufu, a be kafa kum ne an nye kuwe̱ne̱ng'e baꞌ, a be kafa'me be Kabik Kazhe̱l'e.

aYohana 1:33

Mi tsang i ku ren baꞌ, amma Adakunom afe a tin tom nong ta nye abatisma be ashi ti tak ye, ‘Aner aya wan di Kabik ti tiik ne a ni sonong natoon wu to̱, wu ne a nye aner kunye abatisma be Kabik Kazhe̱l'e.’

aYohana 14:25

“Mi ta tas yin ike̱re̱ na cice̱r kum ne mi rusek be yin.