aYohana 14:24 - Izere New Testament

²⁴ Aner aya a tin shim baꞌ, a tà kuus ike̱ng iya mi tá bo̱so̱p baꞌ. Rife̱ yin ta fok yin na nye rinaan baꞌ, rinye rife̱ Ada aya a tin tom.

aYohana 14:24 Referans Kwoze

aYohana 7:16

aYeso fe̱ be ba ye, “Ike̱re̱ iya mi ta ka bo̱so̱p yin'e nye ife rice mi baꞌ, amma ife aya a tin tom.

aYohana 14:10

Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYohana 3:34

Kamok aya Adakunom ta tom fe̱ rife̱ Adakunom, kamok Adakunom tu ku no̱o̱k Kabik wu dar igak.

aYohana 14:15

“Ke yin ti shim yin, yin tà kuus yin Itsi iya mi tá fe̱ be yin.

aYohana 5:38

Rife̱ wu kuse naye̱ yin baꞌ, kamok yin ti no̱o̱k yin katsak naya wu ta tom baꞌ.

aYohana 8:38

Mi ta taas yin ike̱re̱ ife mi ta di nufe Ada mi, amma yin nye yin ike̱re̱ iya yin tá fok yin nufe ada yin.”

aYohana 8:26

Ike̱re̱ kuse dide̱ng mi tana kyem i fe̱ ife amok natoon yin, amma wu aya afe a tin tom nye afe katsak. Ike̱re̱ mi tá fok nufu ne mi taas kazatse.”

aYohana 8:28

Iyong sak aYeso fe̱ be ba ye, “Nizen yin tana sok yin Igon Anerawe naza, nizen iyong ne yin tà ren yin ye ‘Mi ne i nye,’ yin tà ren yin ye sang mi nye ike̱ng ikak mi ka ma mi baꞌ, amma ike̱ng iya Ada'me tin bo̱so̱p'e ne mi fe̱ tsek.

aYohana 7:28

aYeso ta sen bo̱so̱p ánerawe'me kaye̱e̱r kubang agbang kutu kuya Adakunom iben'e, a tá kuto̱ naza ye, “Ei, yin ti ren yin, ne i ren yin karo̱ afe mi tú ku ne, mi be̱ kube̱ rice mi baꞌ. Amma aya a tin tom nye afe katsak, yin tu ku ren yin baꞌ.

aMatiyu 19:21

aYeso fe̱ be wu ye, “Ke wan shim tá raar ni ike̱ng ikak baꞌ, to̱, tseng ta se re̱e̱s ike̱re̱ wan nong tà no̱o̱k áfe rizor itso̱m'me, wan tà se̱ ishorong kaye̱e̱r kaza. Ne i be̱ tin kuus.”

aYohana 3:11

Katsak'e ne mi ta ka tak, yir fe̱ yir natoon ike̱re̱ yir ta ren yir, ne iya yir ta di yir, gip be anong yin ti no̱o̱k yin katsak nike̱ng ife yir ta fe̱ yir baꞌ.

aYohana 14:25

“Mi ta tas yin ike̱re̱ na cice̱r kum ne mi rusek be yin.