aYohana 14:23 - Izere New Testament

²³ aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

aYohana 14:23 Referans Kwoze

aYohana 14:21

Koangan afe a tá fok rife̱ mi ne a kuus, wu ne a tin shim. Aner aya a tin shim, Ada mi tu ku shim, mi gip mi tù ku shim ne i tonong rice mi nufu.”

aYohana 14:15

“Ke yin ti shim yin, yin tà kuus yin Itsi iya mi tá fe̱ be yin.

1 aYohana 2:24

Kamok anong, mi fe̱ be yin ye i ra yiir yin rife̱ yin tá fok yin kum ni ime̱se̱ng'e. Ke yin nye yin anong, yin ta te yin azining be Igon Adakunom'me ne Adakunom a ta nye Ada'me.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

2 aKoranti 6:16

Akye̱ gung agbang karo̱ kuya Adakunom iben be karo̱ itsi e̱? Kamok yir ne i nye yir karo̱ a tu ku ya Adakunom afe kutser iben, kyo̱ndi Adakunom ta fe̱ ye, “Mi ta sor be ba ne i tsang kar kaye̱e̱r ba, ne mi te Adakunom ba ne ba te ánerawe mi.”

aYohana 10:30

Mi be Ada'me i se yir ázining.”

aYohana 6:56

Koangan afe a ta ya rinam kuro̱m mi ne a so̱ naso̱k'i, ne a sor kaye̱e̱r'e ne mi sor kaye̱e̱r wu.

aYohana 14:17

Wu ne a nye Kabik kafe katsak. Kazatse ta kyem ka ku shan baꞌ, kamok ka kun ku di ka ka kun ku ren baꞌ. Amma yin tú ren yin, kamok a se be yin ne a tà sor kaye̱e̱r yin.

Ike̱ng a ta tonong aYohana 21:22

Mi di agbang kutu kuya Adakunom iben kaye̱e̱r agbang kuwo̱p'e baꞌ, kamok Ada Adakunom ayiik'e ne Aturuk'e ne a nye agbang kutu kuya Adakunom iben'e.

Ike̱ng a ta tonong aYohana 22:3

Adakunom tà ba fiming ike̱ng ikak baꞌ. Itsik rigwo̱m Adakunom be itsik rigwo̱m Aturuk'e tà sor kaye̱e̱r kuwo̱p'e ne ásam wu ku nye itomong.

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aYohana 8:52

Ayong áner aYahuda'me fe̱ be wu ye, “Kyo̱o̱rna yir ren yir ye wan be amaan kabik! Ibrahim be áner kuzarap Adakunom gip á kus, ne wan ra fe̱ ye, ‘Aner aya a ta ka kuus a tà ku baꞌ.’

aYohana 14:24

Aner aya a tin shim baꞌ, a tà kuus ike̱ng iya mi tá bo̱so̱p baꞌ. Rife̱ yin ta fok yin na nye rinaan baꞌ, rinye rife̱ Ada aya a tin tom.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aYohana 16:27

Wayo, Ada'me ta shim yin be rice wu, kamok yin ti shim yin ne i no̱o̱k yin katsak ye, mi ne nufe Adakunom.

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

1 aYohana 2:5

Amma koangan ne a nye ike̱re̱ iya Adakunom'me tá fe̱, i nye ye a shim Adakunom be katsak riye̱ wu. Be anong ne yir ta ren yir ye yir sor yir kaye̱e̱r Adakunom.

1 aYohana 5:3

Ana ne kushim Adakunom'me se, ke yir nye yir ike̱re̱ wu ta fe̱ ye i ra nye yir. Ike̱re̱ wu ta fe̱ ye i ra nye yir'e, ro̱ kunye baꞌ,

2 aYohana 1:6

Kushim kufe katsak nye kunye ike̱ng iya Adakunom tá fe̱ ye i ra nye yir. Kyo̱ndi yin tá fok yin Adakunom tá fe̱ kum ni ime̱se̱ng'e, ye i ra yiir naka shim yir.

Ike̱ng a ta tonong aYohana 21:3

Ne mi fok kuto̱ kukak tá wuruk be agap naro̱ itsik rigwo̱m ame ye, “Di yin, Karo̱ kusor Adakunom n tiik kaben mak be ánerawe, ka tà sor mak be ba. Ba tà te ánerawe wu ne Adakunom be rice wu se mak be ba ne a bun a sor Adakunom ba.