aYohana 14:2 - Izere New Testament

² Kaye̱e̱r kasa Ada mi, naro̱ kusor kuse whe̱re̱. Ke a fa nye ye anong baꞌ, ke mi ma ka tak yin. Mi be azong nong ta se ka nye yin karo̱.

aYohana 14:2 Referans Kwoze

2 aKoranti 5:1

Kyo̱o̱rna, yir ren yir ye ke a yirik abur yir afe yir tin sor yir, iro̱m yir, Adakunom be rice wu tin no̱k yir kasa kaye̱e̱r kaza. Kasa'ong sang anerawe ne a no̱k baꞌ, ka ta sor ma izen izen.

aYohana 13:36

Ayong aSiman aBitrus tú rip ye, “Atekasa, wan be ake̱ e̱?” Ne aYeso fe̱ be wu ye, “Yin ta kyem i tseng yin naro̱ kaya mi tù ku be kyo̱o̱rna baꞌ, amma yin tà be̱ yin nama.”

Ibrani 13:14

Yir be yir kuwo̱p kufe ku tana sor ma izen izen aze nazatse na baꞌ, amma yir min te yir riye̱ nuwo̱p kuya ku tana be̱.

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

Ike̱ng a ta tonong aYohana 3:12

Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ibrani 11:10

Kamok wu tsang a ni te riye̱ nuwo̱p kuya Adakunom tá barak ribor'e a tá bun a no̱k be rice wu.

aYohana 13:33

“Inoon'i, mi tà se be yin nizen cie̱k tsek. Yin tin tse̱r yin, amma kyo̱ndi mi tá fe̱ be áner aYahuda, anong ne mi bun i fe̱ be yin ye, ‘Karo̱ kaya mi tù ku be yin ta kyem i tseng yin baꞌ.’

aYohana 16:4

Mi ta ka tak yin ike̱re̱ na, nong ke izen'e nye yin tà yiring yin ye, mi ma ka ko̱ro̱k yin kuto. Mi ta tak yin iyu ni ime̱se̱ng'e baꞌ, kamok mi se mak be yin.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

Ibrani 6:20

aYeso tsang an tseng azong nasho̱o̱n yir kamok yir. An te agbang atsi ma izen izen kyo̱ndi aMakizadek.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Ibrani 9:8

Iyu ne i sak Kabik Kazhe̱l'e tá tonong ye, an karak karo̱ ka ta nar kuse zhe̱l nizham baꞌ, kum ke kubur'e ru kuse.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

1 aTasalonika 5:9

Kanye̱k Adakunom se nong amok tin ku ni yir baꞌ, amma nong yir ta se̱ yir kashesh kaye̱e̱r Agwo̱m Ágwo̱m yir.

Itomong Ámanzo 9:16

Mi be rice mi, mi tù ku tonong kuri risam riya a tana so̱ kamok riyerek'i.”

aYohana 14:28

“Yin fok yin mi tá fe̱ ye, ‘Mi sen tseng, i tá bun i be̱ nufe yin.’ Yin fa ni shim yin, ke yin nye yin riye̱ rikan ye mi be nufe Ada, kamok Ada'me ti nar.

aLuka 14:22

“Ayong asam'me fe̱ ye, ‘Atekasa, mi n nye ike̱ng wan tá fe̱ ye i ra nye, gip be anong karo̱ ru kuse.’