aYohana 14:16 - Izere New Testament

¹⁶ Mi tà nye Ada'me izong nong a tà ka no̱o̱k yin Aner Kutobok ne a sor tà mak be yin ma izen izen.

aYohana 14:16 Referans Kwoze

aYohana 14:26

Amma Aner Kutobok, a ta nye Kabik Kazhe̱l'e aya Ada tana tom'e kaye̱e̱r riyerek'i, wu ne a tà ka bo̱so̱p yin koakye, ne a ka yiring yin koakye ike̱ng mi tá fe̱ be yin.

aYohana 15:26

“Izen iya ne Aner Kutobok'ong be̱, aya a tana ne nufe Ada. Wu ne a nye Kabik kafe katsak. A tà fe̱ itak natoon'i.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

Itomong Ámanzo 9:31

Be anong áfikuus aya a tá se niben aYahuda ne aGalili be aSamariya tá ra ma fok kusas kusor. Afikuus ti barang kukpa agap, ne Kabik Kazhe̱l'e ka no̱o̱k ba ifeng ma a nye ne á ni barang kute whe̱re̱, nizen iya á sor kaye̱e̱r inyim Agwo̱m Ágwo̱m.

1 aYohana 2:1

Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aFilipi 2:1

Kum yin ta se̱ yin kutsesek ye yin n te yin azining be aKiristi, kum yin ta se̱ yin kameneng riye̱ kaye̱e̱r kushim wu, kum yin ta se̱ yin kugung rice be Kabik Adakunom, be kuro̱ riye̱ ne kushim yin,

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

Itomong Ámanzo 13:52

Áfikuus Antakiya nye riyre̱p dide̱ng ne a ka shining ba be Kabik Kazhe̱l'e.

aYohana 17:15

Sang i se ye mi nye aduwa'me ye wan ra ka tun ba kaye̱e̱r kazatse baꞌ, amma ye wan ru ku fek ba nubo̱k Amaan Aner.

aYohana 14:18

Mi tà ka won yin kyo̱ndi nakpiin'e baꞌ; Mi tà be̱ nufe yin.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

aYohana 14:14

Koakye ike̱ng iya ne yin rip yin kaye̱e̱r riyerek'i, mi tà nye.

aYohana 17:20

“Aduwa mi se kamok awan ba tsek baꞌ Amma mi nye aduwa kamok áya a tanin no̱o̱k katsak ni mi gip, kamok rife̱ ba.

aYohana 16:22

Anong ne i se be yin gip, kyo̱o̱rna ne i nye izen riye̱ riwe yin. Amma mi tà bun i ka di yin ne i nye yin riye̱ rikan, akak ta kyem a ka roon yin riye̱ rikan yin baꞌ.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aYohana 7:39

aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

Itomong Ámanzo 1:4

Katuk kakak a ta sen ya naya mak be ba, a fe̱ be ba ye, “Sang tu dorok yin na aUshalima baꞌ, tor yin kunang kuya Ada mi tá fe̱ ye a tá ka no̱o̱k yin, kuya yin tá fok yin mi tá ka tak yin.

1 aYohana 2:27

Amma yin, yin n se̱ yin Kabik Kazhe̱l'e nufe aYeso kaya ka ta sor be yin koakye izen. Kamok anong yin ba tse̱r yin aner akak a tana ka bo̱so̱p yin'e baꞌ. Kabik wu tà ka bo̱so̱p yin ike̱re̱'me ife katsak cei. Kukasa wu tin kasa yir nye katsak, ku nye kufe abo̱o̱s baꞌ. Kyo̱ndi a tá ka bo̱so̱p yin'e ye i ra sor yin kaye̱e̱r aYeso.

2 aYohana 1:2

Mi ta shim yin kamok yin ren yin katsak kaya yir ta be yir natoon Adakunom, yir ta yiir yir katsak'e ma izen izen.