aYohana 14:15 - Izere New Testament

¹⁵ “Ke yin ti shim yin, yin tà kuus yin Itsi iya mi tá fe̱ be yin.

aYohana 14:15 Referans Kwoze

2 aYohana 1:6

Kushim kufe katsak nye kunye ike̱ng iya Adakunom tá fe̱ ye i ra nye yir. Kyo̱ndi yin tá fok yin Adakunom tá fe̱ kum ni ime̱se̱ng'e, ye i ra yiir naka shim yir.

1 aBitrus 1:8

Yin kun ku di yin baꞌ, gye̱rtatan amma yin tu shim yin. Yin tu ye̱re̱k yin kyo̱o̱rna baꞌ, gye̱rtatan amma yin ti no̱o̱k yin katsak ni wu ne i be yin agbang riye̱ rikan kuri riya sang a tana kyem a fe̱ baꞌ.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aMatiyu 10:37

“Aner a ta shim atek ka anyining wu ayi ne a ni nar, ta kyem a ta te anaan baꞌ. Aner a ta shim igon ka angas wu ayi ne a ni nar ta kyem a ta te anaan baꞌ.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

1 aKoranti 16:22

Aner aya a ta shim Agwo̱m Ágwo̱m baꞌ, Riman'e tu ku kuus. Be̱ aYeso, Agwo̱m Ágwo̱m.

Afisa 6:24

Ritek se mak be áya a ta shim Agwo̱m Ágwo̱m yir aYeso Kiristi cice̱r ne kushim kuya sang ku tana gang baꞌ.