aYohana 14:13 - Izere New Testament

¹³ Koakye ne yin rip yin kaye̱e̱r riyerek'i, mi ta ka nye yin'e nong Ada'me ta se̱ kuyiik kamok igon'e.

aYohana 14:13 Referans Kwoze

aYohana 15:7

Ke yin sor kaye̱e̱r'i ne rife̱ mi se kaye̱e̱r yin, yin tà rip yin koakye ike̱ng yin ta shim yin, a tà ka nye yin'e.

aMarkus 11:24

Kamok anong, mi fe̱ be yin ye, koakye ne yin tà rip yin kaye̱e̱r aduwa, i ni no̱o̱k yin katsak ye yin n se̱ yin, i ta te ife yin.

aMatiyu 21:22

Ke yin no̱o̱k yin katsak, koakye ne yin ta rip yin kaye̱e̱r aduwa a tà ka no̱o̱k yin.”

aMatiyu 7:7

“Yiir irip yin'e, a tà no̱o̱k yin; yiir itse̱r yin'e, ta se̱ yin; yiir itsor yin kanukutu'me a tà ka karak yin'e.

1 aYohana 5:14

Yir tseng yir nasho̱o̱n Adakunom be riye̱ rizining, kamok ke yir tu rip yir koakye i ta nye kushim wu, a tin fok yir.

aYohana 16:23

Katuk kayong yin tà bin rip yin ike̱ng ikak baba baꞌ. Katsak ne mi ta ka tak yin, Ada'me tà ka no̱o̱k yin koakye ike̱ng yin tana rip yin kaye̱e̱r riyerek'i.

1 aYohana 3:22

Adakunom tin no̱o̱k yir koakye yir tu ku rip yir, kamok yir kuus yir rife̱ wu ne i nye yir ike̱re̱ wu ta shim.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 14:14

Koakye ike̱ng iya ne yin rip yin kaye̱e̱r riyerek'i, mi tà nye.

aYakub 5:16

Kamok anong naka taas yin rine̱n yin, ne i naka nye yin aduwa nong a se ta te yin atser. Aduwa aner ajel'e be agap dide̱ng ne nye itomong.

aFilipi 4:13

Mi ta kyem i nye koakye kamok aKiristi aya a tin nyesek agap kunye'me.

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

Afisa 3:12

Kamok i ta se yir mak be wu ne kuno̱o̱k katsak yir natoon wu, yir ta kyem i tseng yir nasho̱o̱n Adakunom ne̱k be riye̱ rizining.

aYohana 16:26

Katuk'ong yin tà nye yin izong kaye̱e̱r riyerek'i. Yin tà rip yin Ada be rice yin sang mi ne ta ka rip yin'e baꞌ.

aYohana 10:30

Mi be Ada'me i se yir ázining.”

Afisa 2:18

Kamok wu ne yir ti se̱ yir iren ku be nufe Ada, iren izining, iya ita se kaye̱e̱r Kabik.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

aYohana 7:37

Katuk igang'e, i tá nye agbang kunom kunye riye̱ rikan ame, aYeso dorok a tá ta kuto̱ ye, “Aner aya a fok kuto̱ kukoor, a ra be̱ nunaan a tà so̱ ashi.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 12:44

Ayong aYeso tá kuto̱ naza a tá fe̱ ye, “Koangan ne a ti no̱o̱k katsak ni mi, ni mi ne a ti no̱o̱k katsak tsek baꞌ, amma naya a tin tom.

aLuka 11:9

“Kamok anong mi fe̱ be yin ye, rip yin a tà ka no̱o̱k yin, tse̱r yin ta se̱ yin, rus yin kanukutu a ta ka karak yin'e.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

Ibrani 13:15

Kamok anong, won tu kerek yir Adakunom kaye̱e̱r aYeso be abom nanu yir. Iyong ta sor asidaka aya i tana no̱o̱k yir, tu ku kerek yir ne i tiyiik yir riyerek wu.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

Afisa 3:14

Kamok anong, mi tigbok akuur nasho̱o̱n Ada yir nong i ta nye aduwa,

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

aYohana 4:10

aYeso tú shim'me ye, “Ke a fa fe̱ ye wan ren kunang Adakunom ne aya a ta ka rip ashi na, ke wan tú ku rip, a ta ka no̱o̱k ashi aya a tà no̱o̱k kutser.”

aYohana 16:7

Amma katsak'e ne mi ta ka tak yin: Kutseng'i tà ka sor yin ike̱ng itek kamok ke mi tseng baꞌ, Aner Kutobok ame tà be̱ baꞌ. Amma ke mi tseng mi tà se ka tom yin'e.

aYohana 13:31

Nama aYahuza tá wuruk, aYeso fe̱ ye, “Kyo̱o̱rna Igon Anerawe ta se̱ kuyiik ne Adakunom se̱ kuyiik kaye̱e̱r wu.

1 aKoranti 14:13

Kamok anong, koangan afe a ta ren a fe̱ ni írem iduk a ra nye aduwa nong a tù ku no̱o̱k kunang kuni taas ike̱ng iya wu ta fe̱.