aYohana 14:12 - Izere New Testament

¹² Mi ta tak yin katsak'e, koangan afe a tin no̱o̱k katsak ni mi, a tà nye ike̱re̱ iya mi tá nye. Ma i tà nar iya mi tá nye, kamok mi be nufe Ada'me.

aYohana 14:12 Referans Kwoze

aMatiyu 21:21

aYeso fe̱ be ba ye, “Katsak'e ne mi ta ka tak yin, yin gip ke yin no̱o̱k yin katsak sang ke riye̱ yin se gak baꞌ, yin ta kyem i nye yin ike̱ng iya i ta nar iya mi tá nye be ritin atafo na, yin ta kyem fe̱ yin be rifan na ye, ‘Dorok ta se kpa kaye̱e̱r agbang kudung,’ ku tà nye anong.

aMarkus 16:17

Áya a tin no̱o̱k katsak ni mi tà nye ike̱re̱ na: Kaye̱e̱r riyerek'i, á tà turung ámaan nabik ne á fe̱ kanu kaye̱e̱r irem ifas.

Itomong Ámanzo 16:18

Kanamang'e te inom gaan ne ka yiir fe̱ anong ma ike̱ng'e daam aBulus dide̱ng. Iyong aBulus kirik a tá fe̱ be kabik'e ye, “Mi fe̱ be wan kaye̱e̱r riyerek aYeso Kiristi ye wuruk tu ku won.” Kum aBulus tá fa fe̱ anong ne kabik'e wor ka ku won.

Itomong Ámanzo 9:34

Ayong aBitrus fe̱ be wu ye, “Iniyas aYeso Kiristi sak wan te atser. Dorok nong ta sok ike̱ng kameneng.” Ne Iniyas'me wor a dorok gbashak.

Itomong Ámanzo 19:12

Ko ke a sok ike̱ng ire̱ng kutsin wu ka kukpiin kuya ku ta ra kuro̱mwu, ke a se no̱o̱k áya a ta nye atser baꞌ, ne á te atser ne itseng kam be aner'e.

Itomong Ámanzo 9:40

aBitrus fe̱ be ba ye á ra wuruk nufang cice̱r ba, yong a tigbok akuur kaben á ta nye aduwa. A kirik a tá ye̱re̱k kukom'e ne a fe̱ ye, “aTabita, dorok.” Iyong aTabita karak anyisi wu. A tá fa di aBitrus yong a dorok a tá sonong

Itomong Ámanzo 8:7

Amma amaan nabik yiir itang ikun ne á wuruk kaye̱e̱r iro̱m ánerawe whe̱re̱, áner aya a tá we̱ abas azining be ákun whe̱re̱ te atser.

Itomong Ámanzo 5:15

Itomong ámanzo tá nye sak ánerawe be̱s be áfe iro̱k ne á ku saas ba ni ike̱re̱ kameneng nong ase̱ nawu aBitrus tin kpa natoon ba nizen iya tana gor.

Itomong Ámanzo 2:41

Áner aya a tá shan rife̱ wu se whe̱re̱ yong a tú ku nye ba abatisma. Katuk kayong ánerawe'me ta bubarak áner izungu itaar á ti barang niba.

Itomong Ámanzo 4:4

Anerawe whe̱re̱ aya a tá fok rife̱ riya aBitrus be aYohana tá taas ti no̱o̱k katsak. Áner aya a ti no̱o̱k katsak'e ti barang kube̱ whe̱re̱. Ayong afikuus cice̱r te átek izungu itoon.

aYohana 16:7

Amma katsak'e ne mi ta ka tak yin: Kutseng'i tà ka sor yin ike̱ng itek kamok ke mi tseng baꞌ, Aner Kutobok ame tà be̱ baꞌ. Amma ke mi tseng mi tà se ka tom yin'e.

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

aYohana 7:39

aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

aYohana 7:33

Ayong aYeso fe̱ be ba ye, “Izen mi tana sor be yin se cie̱k tsek, ne mi kubun nufe aya a tin tom.

aRom 15:19

kaye̱e̱r kukyem kunye ike̱re̱ azhing ne itomong azhing, kaye̱e̱r kukyem Kabik. Kum a ta san'e na aUshalima ma a gorok'e ma na Ilirikum, mi taas Rife̱ Ritek natoon aKiristi cei.

Itomong Ámanzo 6:7

Ánerawe dide̱ng ti barang kufok rife̱ Adakunom ma áfikuus ti barang kute whe̱re̱ koakye katuk kaye̱e̱r aUshalima. Átsi aner aYahuda whe̱re̱ ti barang kushan rife̱ Adakunom.

Itomong Ámanzo 4:16

“Yir ta nye ane̱ be áner na e̱? Kamok koangan afe a tá sor kaye̱e̱r aUshalima an ren ye áner na dim ne an nye agbang ike̱ng azhing iya yir tana kyem i ton yir'e baꞌ.

aYohana 14:28

“Yin fok yin mi tá fe̱ ye, ‘Mi sen tseng, i tá bun i be̱ nufe yin.’ Yin fa ni shim yin, ke yin nye yin riye̱ rikan ye mi be nufe Ada, kamok Ada'me ti nar.

Itomong Ámanzo 10:46

Á tá fa fok ba tá fe̱ ni írem iduk ne á tiyiik Adakunom. Iyong aBitrus fe̱ ye,

Itomong Ámanzo 4:33

Be kukyem dide̱ng ámanzo ya kasho̱o̱n be kutaas ánerawe itak kudorok Agwo̱m Ágwo̱m yir aYeso nure̱k. Ritek whe̱re̱ se natoon koangan kaye̱e̱r ba.

aMarkus 11:13

A di atafo tan funung gugo̱k, a tseng nong a tá di ka wu ta se̱ agbang'e. Amma a tá tseng ritin'e a di awan afumung tsek, kamok i nye izen atafo tana be agbang baꞌ.

aYohana 4:37

Be anong ne kumaas na te katsak a ta fe̱ ye, ‘Akak tuus ne akak tse̱k.’

aYohana 5:20

Kamok Ada'me shim Igon'e, ne a ku tosong ike̱re̱ ife wu ta nye cei. A tu ku tosong ike̱re̱ igbang'e iya i ta nar iyu ma a ta ka te yin zhing.