aYohana 14:10 - Izere New Testament

¹⁰ Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aYohana 14:10 Referans Kwoze

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYohana 10:38

Amma ke iyong ne mi nye, ko ke yin tin no̱o̱k katsak ni mi baꞌ, ni no̱o̱k yin katsak ni itomong'e. Nong ase̱ ta ren yin ye Ada'me se kaye̱e̱r'i ne mi se kaye̱e̱r Ada'me.”

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

aYohana 12:49

Kamok mi fe̱ rife̱ rice mi baꞌ, amma Ada mi afe a tin tom wu ne a ti tees ike̱ng iya mi tana fe̱ be iren iya mi tana fe̱.

aYohana 10:30

Mi be Ada'me i se yir ázining.”

aYohana 8:28

Iyong sak aYeso fe̱ be ba ye, “Nizen yin tana sok yin Igon Anerawe naza, nizen iyong ne yin tà ren yin ye ‘Mi ne i nye,’ yin tà ren yin ye sang mi nye ike̱ng ikak mi ka ma mi baꞌ, amma ike̱ng iya Ada'me tin bo̱so̱p'e ne mi fe̱ tsek.

aKolosi 2:9

Kamok kaye̱e̱r aKiristi ne kuse Adakunom sor kaye̱e̱r kuro̱m,

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 5:17

aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.”

1 aYohana 5:7

Kamok anong, íren itaar kuse yir tana ren yir katsak natoon aYeso.

2 aKoranti 5:19

Rife̱ yir se ye, Adakunom shishing ánerawe kazatse nong á ta te áferime̱ wu kamok aKiristi. Adakunom fa rine̱n ba natoon rice ba baꞌ. A ti no̱o̱k yir rife̱ ánerawe tana te áferime̱ wu.

aYohana 8:38

Mi ta taas yin ike̱re̱ ife mi ta di nufe Ada mi, amma yin nye yin ike̱re̱ iya yin tá fok yin nufe ada yin.”

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aYohana 7:16

aYeso fe̱ be ba ye, “Ike̱re̱ iya mi ta ka bo̱so̱p yin'e nye ife rice mi baꞌ, amma ife aya a tin tom.

aYohana 8:40

Mi nye aner aya mi ta fe̱ katsak kaya mi tá fok nufe Adakunom. amma yin shim tin fe̱r yin. To̱, Ibrahim'me nye ike̱re̱ kuri iyong baꞌ.

aYohana 11:26

ne koangan afe a ta se be kutser gip ke a ti no̱o̱k katsak ni mi a tà ku baꞌ ma izen izen. Wan ti no̱o̱k katsak rife̱ na a?”

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 14:11

Ni no̱o̱k yin katsak rife̱ mi, mi tá fe̱ ye, mi se kaye̱e̱r Ada'me ne Ada'me se kaye̱e̱r'i. Ni no̱o̱k yin katsak ni itomong azhing mi tá nye.

aYohana 14:24

Aner aya a tin shim baꞌ, a tà kuus ike̱ng iya mi tá bo̱so̱p baꞌ. Rife̱ yin ta fok yin na nye rinaan baꞌ, rinye rife̱ Ada aya a tin tom.