aYohana 13:5 - Izere New Testament

⁵ Nama anong, ne a te ashi nures kukak ne a san kukusu átak álimazhiri wu, ne a re̱ng be atawul wu tá rosom nutin wu ame.

aYohana 13:5 Referans Kwoze

aLuka 7:44

aYeso kirik nabas afe abining ame, a tá fe̱ be aSiman ye, “Wan di abining na a? Mi be̱ kari wan, wan ti no̱o̱k ashi tanin kusu atak'i baꞌ, amma wu shu atak'i be nanyisi wu, a tá re̱ng be nakuyo̱ng wu.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

Itomong Ámanzo 22:16

To̱, kyo̱o̱rna akye̱ ne wan ru tor e̱? Dorok nong a ta ka nye abatisma ku kusu rine̱n wan, kaye̱e̱r riyerek Agwo̱m Ágwo̱m.’

1 aYohana 5:6

aYeso Kiristi ne a ne naza, a tú ku nye abatisma be ashi ne a nyosong naso̱k wu. I nye ashi tsek baꞌ, amma ashi be naso̱k. Ne Kabik Kazhe̱l'e ni tak yir ye i se anong, kamok wu ne a taas ánerawe katsak'e.

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

aYohana 19:34

Azining kaye̱e̱r asozha'me bun a tubuk aYeso nukafam be kuko̱o̱n ne naso̱k be ashi wuruk naro̱'me.

aLuka 7:38

A tá te cing na atak aYeso a tá tos, ne nanyisi wu ni kpas natak aYeso, ne a re̱ng nanyisi'me be nakuyo̱ng wu, a kunung atak aYeso'me nong a tin kon name iko̱o̱n itek ame.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

aYohana 13:10

Ayong aYeso fe̱ be wu ye, “Aner aya a tan so tà kusu atak tsek, kamok kuro̱m wu forop. Yin forop yin amma sang cice̱r yin baꞌ.”

aYohana 13:8

Ayong aBitrus fe̱ ye, “Wayo, wan tà kusu atak'i baꞌ, ko cie̱k.” Ne aYeso fe̱ be wu ye, “Ma mi ta kusu atak wan nizham, sang ke anong baꞌ, wan tà ba sor alimazhiri mi baꞌ.”

aYohana 13:6

Nizen iya a tá be̱ nufe aSiman Bitrus, ayong aBitrus fe̱ be aYeso ye, “Atekasa, wan tin kusu atak'i a?”