aYohana 13:34 - Izere New Testament

³⁴ “Itsi ifas ne mi ta tak yin ye; Yin ra naka shim yin. Kyo̱ndi mi tá ka shim yin, anong ne yin tana ka shim yin dim.

aYohana 13:34 Referans Kwoze

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

aYohana 15:17

Itsi mi se ye: Naka shim yin.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

aGalati 6:2

Naka tobok yin kaye̱e̱r risam yin, be anong ne yin ta shining yin ike̱ng iya Itsi aKiristi ta fe̱.

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

1 aYohana 4:21

Adakunom fe̱ be yir ye, koangan afe a tu ku shim ra shim áronyining wu dim gip.

aYakub 2:8

Ke yin sak yin agbang itsi iya i ta se kaye̱e̱r Kufumung Adakunom naye̱ ye, “Shim aner agbak wan kyo̱ndi rice wan.” I se gye̱r anong.

1 aTasalonika 3:12

Won Agwo̱m Ágwo̱m tu sak kushim yin tin barang dide̱ng be koangan nong ase̱ tà naka shim yin be ánerawe cice̱r kyo̱ndi yir tá nye yir be yin.

aRom 12:10

Naka shim yin kyo̱ndi aner be aronyining. Koangan ra sok afudang yiik ne a nar rice wu.

2 aYohana 1:5

Kamok anong angasneng, sang natoon itsi ifas ne mi sen ka zibir'e baꞌ, amma iya yir tá fok yir kum ni ime̱se̱ng'e. Mi shim ta ka tak ye i ra naka shim yir.

aGalati 6:10

To̱, kamok anong, ke i se̱ yir izen, i tonong yir koangan kuse kutek, abaan áfikuus baꞌ.

1 aYohana 3:11

Rife̱ yir tá fok yir kum ni ime̱se̱ng'e se ye i ra naka shim yir.

Ibrani 13:1

Ya yin kasho̱o̱n be ku naka shim kyo̱ndi aner be áronyining,

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

2 aBitrus 1:7

Ni barang yin ku naka shim natoon kuse kuri kufe Adakunom, ni barang yin kushim koangan natoon ku naka shim.

aKolosi 1:4

Kamok yir n fok yir kuri kuno̱o̱k katsak yin ta be yin kaye̱e̱r aYeso Kiristi ne kuri kushim kuya yin ta shim yin ázhe̱l'e cice̱r.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

aMatiyu 5:44

Amma mi fe̱ be yin kyo̱o̱rna'me ye: Shim yin ámudo̱n yin, ne nye yin áfe á ta ka tabak yin aduwa.

aRom 13:8

Sang tu yiir yin ike̱ng akak baꞌ, amma yiir naka shim yin inga kamok aner aya a ta shim afudang shining ike̱ng iya Itsi ta fe̱.

aRom 13:10

Ke wan shim afegbak wan, wan tu ku nye anyas baꞌ. Kamok anong, ke wan shim afegbak wan ne i nye ye wan nye koakye ike̱ng Itsi ta fe̱.