aYohana 13:31 - Izere New Testament

³¹ Nama aYahuza tá wuruk, aYeso fe̱ ye, “Kyo̱o̱rna Igon Anerawe ta se̱ kuyiik ne Adakunom se̱ kuyiik kaye̱e̱r wu.

aYohana 13:31 Referans Kwoze

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

aYohana 14:13

Koakye ne yin rip yin kaye̱e̱r riyerek'i, mi ta ka nye yin'e nong Ada'me ta se̱ kuyiik kamok igon'e.

aYohana 7:39

aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

Afisa 3:10

Adakunom nye anong be áfikuus nong ase̱ áfe rigwo̱m be áfe a ta nye rigwo̱m natoon kaza ta ren kukyem Adakunom kaye̱e̱r koakye.

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

Itomong Ámanzo 2:36

“Kamok anong, won yin áner Isarela cice̱r tu ren yin ye, aYeso aya yin tú ku tigak yin nukon ame ne Adakunom mu ku sak an te Agwo̱m Ágwo̱m ne a nye aKiristi.”

aYohana 16:14

A tin tiyiik, kamok a tà kok ike̱re̱ iya i ta nye inaan ne a ka taas yin.

aYohana 12:23

Ayong aYeso fe̱ be ba ye, “Izen a tana tiyiik Igon Anerawe n nye.

aYohana 11:4

Nizen iya aYeso tá fok anong, a fe̱ ye, “Kuro̱k na tù ku fe̱r baꞌ, amma ku tà be̱e̱n Adakunom ne Igon wu kuyiik.”

aFilipi 2:11

Ne koakye irem tà fe̱ ye, aYeso Kiristi nye Agwo̱m Ágwo̱m, nong a tà tiyiik Adakunom a ta nye Ada.

Afisa 2:7

Adakunom nye anong, nong ase̱ a tà tonong izam ife i tana be̱ kuri ritek riya sang ri ta be igak baꞌ. A ti tonong yir anong kamok ritek wu kaye̱e̱r aYeso Kiristi.

Afisa 1:12

A nye anong, nong ase̱ yir áner aYahuda tin te yir riye̱ na aKiristi ni ime̱se̱ng'e, ta sor yir áfe ku ka kerek kuyiik Adakunom.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

aYohana 12:28

Ada, tiyiik riyerek wan.” Iyong kuto̱ ne naza ye, “Mi mu ku tiyiik, mi tà bun i ku tiyiik gbak.”

aLuka 12:50

aBatisma kuse a tanin nye'me, a kon ni te ke a min i nye'me.

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.