aYohana 13:20 - Izere New Testament

²⁰ Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”

aYohana 13:20 Referans Kwoze

aLuka 10:16

“Aner aya a ta ka fok yin kuto, i nye ye a ti fok. Aner aya a ta ranyin, i nye ye a ti ramin. Aya a ti ramin, i nye ye a rawu aner aya a tin tom.”

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aMarkus 9:37

“Koangan ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Ne koangan afe a ti shan, i nye ye sang a ti shan tsek baꞌ, amma aya a tin tom.”

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aGalati 4:14

Kuro̱k'i sor ike̱ng kudaam nufe yin, gip be anong yin ti tonong yin akye̱re̱ ka kuzhe̱e̱sh baꞌ. Amma yin ban i ti shan yin ibo̱k ifa, kyo̱ndi mi nye amaleka Adakunom, ka mi ne i nye aYeso Kiristi'me.

aKolosi 2:6

To̱, kum yin ta shan yin aYeso aKiristi a ta te Agwo̱m Ágwo̱m yin, ya yin kasho̱o̱n be kusor yin kaye̱e̱r wu.

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.