aYohana 13:14 - Izere New Testament

¹⁴ Mi nye Agwo̱m Ágwo̱m ne i nye Aner Kubo̱so̱p yin, mi n kusu atak yin, yin gip tana kusu yin'e.

aYohana 13:14 Referans Kwoze

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”

Itomong Ámanzo 20:35

Kaye̱e̱r koakye ike̱ng mi tá nye, mi ta ka tonong yin ye be kunye itomong ana dar karuur ne i se̱ yir áner aya a ta agap dim. Yiring yin be rife̱ Agwo̱m Ágwo̱m yir aYeso a tá fe̱ ye, ‘Aner kuno̱o̱k ike̱ng be riye̱ rikan ne a nar aya a tu ku no̱o̱k.’ ”

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aRom 12:16

Sor yin caang be afudang yin. Sang tu kok yin rice naza baꞌ, amma gung yin rice be áya a tu ku di ba kyo̱ndi ike̱ng ikak baꞌ. Sang tu sok yin rice yin ye yin ren yin koakye baꞌ.

1 aBitrus 4:1

Kamok anong, kum aKiristi tá so̱ risam nuro̱m, to̱, yin gip nye yin kanye̱k kuso̱ risam kamok koangan aya ne a so̱ risam nuro̱m tonong ye wu n gang be rine̱n baꞌ.

1 aKoranti 8:13

Kamok anong, ke ike̱ng iya mi tana ya ta sak aroneng ta nye rine̱n, mi ta ba ya ike̱ng'e baꞌ, fan mi bu ku sak a ta kpa.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aRom 12:10

Naka shim yin kyo̱ndi aner be aronyining. Koangan ra sok afudang yiik ne a nar rice wu.

aYohana 11:2

aMarya na nye angasnyining aLazarus aya a tá se nameneng be kuro̱k. Wu ne a ku kon Agwo̱m Ágwo̱m name, ne a re̱ng atak wu be nakuyo̱ng rice wu.

1 aKoranti 12:3

Kamok anong mi shim yin tu ren yin ye, aner akak kuse aya a ta be Kabik Adakunom a tana fe̱ ye, “A ra fiming aYeso baꞌ.” Akak kyem a ta fe̱ ye, “aYeso nye Agwo̱m Ágwo̱m” baꞌ, ma ke a be Kabik Kazhe̱l'e.

aFilipi 2:11

Ne koakye irem tà fe̱ ye, aYeso Kiristi nye Agwo̱m Ágwo̱m, nong a tà tiyiik Adakunom a ta nye Ada.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.