aYohana 13:13 - Izere New Testament

¹³ Yin ti yis yin ye ‘Aner Kubo̱so̱p’ be ‘Agwo̱m Ágwo̱m,’ i se gye̱r anong, kamok mi nye anong.

aYohana 13:13 Referans Kwoze

aLuka 6:46

“Akye̱ sak yin ti yis yin ye, ‘Agwo̱m, Agwo̱m,’ ka i ra nye yin ike̱ng iya mi tá fe̱ baꞌ e̱?

aFilipi 2:11

Ne koakye irem tà fe̱ ye, aYeso Kiristi nye Agwo̱m Ágwo̱m, nong a tà tiyiik Adakunom a ta nye Ada.

1 aKoranti 12:3

Kamok anong mi shim yin tu ren yin ye, aner akak kuse aya a ta be Kabik Adakunom a tana fe̱ ye, “A ra fiming aYeso baꞌ.” Akak kyem a ta fe̱ ye, “aYeso nye Agwo̱m Ágwo̱m” baꞌ, ma ke a be Kabik Kazhe̱l'e.

aYohana 11:28

Nama a tá fe̱ anong, a tseng a tá se yis angasnyining wu aMarya nukim, a tá fe̱ be wu ye, “Aner kubo̱so̱p na aze, a rip itak wan.”

aFilipi 3:8

Akye̱ nar anong'e, mi sok koakye kyo̱ndi ike̱ng ikak baꞌ ke mi ti maas be kuren aYeso Kiristi a ta te Agwo̱m Ágwo̱m mi. Mi nyosong ike̱re̱'ong cei kamok wu. Mi sok cei kyo̱ndi awha nong ta se̱ aKiristi,

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

aYakub 2:19

Wan no̱o̱k katsak ye Adakunom azining ne a kuse a? I se gye̱r! Amaan nabik gip a ti no̱o̱k katsak anong ne inyim.

aLuka 10:28

Ne aYeso fe̱ be wu ye, “Ike̱ng wan tá fe̱ se gye̱r. Ke wan nye anong, wan ta se̱ kutser.”

aLuka 7:43

Ayong aSiman fe̱ be aYeso ye, “Mi di ye afe a tú ku won itso̱m'e whe̱r ne a nar.” aYeso fe̱ ye, “Wan fe̱ gye̱r.”

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

aYohana 11:2

aMarya na nye angasnyining aLazarus aya a tá se nameneng be kuro̱k. Wu ne a ku kon Agwo̱m Ágwo̱m name, ne a re̱ng atak wu be nakuyo̱ng rice wu.

aYohana 11:3

Ayong ángasnyining'e tom nufe aYeso ye, “Atekasa, di aner aya wan tá shim ame nye atser baꞌ.”

Afisa 6:9

Yin átekasa nye yin anong be ásam yin gip. Sang ta ka shirik yin ba baꞌ. Ren yin ye yin be ba cice̱r Atekasa yin se kaye̱e̱r kaza, wu kasa akak ze̱e̱r baꞌ.