aYohana 12:50 - Izere New Testament

⁵⁰ Mi ren ye rife̱ wu be̱e̱n be kutser kufe izen izen. Kamok anong, koakye mi ta fe̱ nye ike̱ng iya Ada mi tin tees.”

aYohana 12:50 Referans Kwoze

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aYohana 6:68

aSiman Bitrus fe̱ ye, “Atekasa, yir ta tseng yir nufe angan e̱? Wan ne i ta be Rife̱ Kutser.

aYohana 6:63

Kabik ne ka nyesek kutser, kuro̱m ti barang ike̱ng ikak baꞌ. Rife̱ mi tá fe̱ be yin nye rife̱ kabik ne kutser.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

1 aTimoti 1:16

Amma Adakunom ti tonong kuro̱ riye̱ dide̱ng kamok mi tsang i nar rine̱n, aYeso Kiristi tonong kutsesek wu dide̱ng natoon'i nong ku ta sor ike̱ng kumaas nufe áner aya a tanin no̱o̱k katsak ni wu ne á se̱ katser kafe izen izen.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYohana 8:28

Iyong sak aYeso fe̱ be ba ye, “Nizen yin tana sok yin Igon Anerawe naza, nizen iyong ne yin tà ren yin ye ‘Mi ne i nye,’ yin tà ren yin ye sang mi nye ike̱ng ikak mi ka ma mi baꞌ, amma ike̱ng iya Ada'me tin bo̱so̱p'e ne mi fe̱ tsek.