aYohana 12:48 - Izere New Testament

⁴⁸ Aner kuto̱ amok kuse kamok aya a tin ramin ne a bun a rawu kushan rife̱ mi, rife̱ mi tá fe̱ tù ku to̱ amok katuk igang'e.

aYohana 12:48 Referans Kwoze

aLuka 10:16

“Aner aya a ta ka fok yin kuto, i nye ye a ti fok. Aner aya a ta ranyin, i nye ye a ti ramin. Aya a ti ramin, i nye ye a rawu aner aya a tin tom.”

aRom 2:16

Anong ne i bu se katuk Adakunom tana sak aYeso tana to̱ ike̱re̱ iya anerawe ta ne̱r kaye̱e̱r riye̱ amok, kyo̱ndi mi ta fe̱ kaye̱e̱r Rife̱ Ritek mi tá ka taas yin.

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

aYohana 11:24

aMarta fe̱ be wu ye, “Mi ren a tà bun a dorok nizen iya kudorok ikom katuk igang'e.”

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

aYohana 5:45

“Amma tu di yin ye mi tà tseng kukun yin nufe Ada mi baꞌ. Aner amok yin nye aMusa, aya yin tin te yin riye̱.

aMatiyu 21:42

aYeso fe̱ be ba ye, “Aser, yin fa yin kaye̱e̱r rife̱ Adakunom aꞌa? “ ‘Kuta kuya áfe rino̱k tá raba kuyong ne ku te itsik ribor'e. Adakunom ne a nye anong. Iyu nye ike̱ng azhing nufe yir.’

2 aKoranti 4:3

Ke awazi yir ta taas yir na se kanang baꞌ, to̱, a se kanang baꞌ, kaye̱e̱r aye̱ áya a ta se ni iren kuwei.

aLuka 20:17

aYeso ti sak anyisi niba, ne a ku rip ba ye, “To̱, akye̱ ne yin to̱ yin natoon izibir yin tá fa yin ye, “ ‘Kuta kuya áfe rino̱k tá raba, ne kute itsik ribor kutu a?’

aLuka 17:25

Ni ime̱se̱ng'e, a tà so̱ risam dide̱ng nizham ne ánerawe izam na ku rawu.

aLuka 9:26

Koangan afe a ta fok isum mi be rife̱ mi, Igon Anerawe ta fok isum wu nizen iya wu tana be̱ kaye̱e̱r kuyiik wu be kuyiik Ada wu ne kufe ámaleka azhe̱l'e.

aLuka 9:22

Ayong aYeso fe̱ be ba ye, “Igon Anerawe tà so̱ iriri risam, ne áko̱k kasho̱o̱n be ágbang átsi ne áner kubo̱so̱p Itsi ku rawu, a tu ku fe̱r ne a bun a dorok katuk afe ataar be kutser.”

aLuka 7:30

Áner aFarisi be áfe a tá ren Itsi dide̱ng raba kanye̱k Adakunom natoon ba, kamok sang aYohana tsang a ku nye ba abatisma baꞌ.

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

aMarkus 12:10

Aser, yin kun fa yin afumung na a? Kamok i se kaye̱e̱r izibir ye; “ ‘Kuta kuya áfe rino̱k tá raba, ne kute itsik ribor kutu.

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

Itomong Ámanzo 3:23

Koangan afe a ta gaar kufok aner kuzarap'ong a tu ku kam be ánerawe aya á ta nye áfe Adakunom.’

aMarkus 8:31

Ayong aYeso san ku kubo̱so̱p ba'me ye, Igon Anerawe ta so̱ iriri risam, ne áko̱k kasho̱o̱n be ágbang átsi ne áner kubo̱so̱p Itsi ku rawu, a tu ku fe̱r, nama inom itaar a ta bun a dorok be kutser.

aMatiyu 10:15

Katsak'e ne mi ta ka tak yin, a tà nar kuro̱ riye̱ áner aSodom be áfe aGomora katuk amok be áner kuwo̱p kuyong.

aYohana 6:39

Kushim aya afe a tin tom se ye, sang mi tu wei be azining kaye̱e̱r aya wu tá min no̱o̱k baꞌ, amma ye i ra ka dorok ba katuk igang'e.

aYohana 8:47

Aya a ta nye afe Adakunom foos ike̱ng iya Adakunom ta fe̱. Yin wesek yin kuto baꞌ, kamok yin nye yin áfe Adakunom baꞌ.”

Itomong Ámanzo 17:31

Kamok Adakunom'me n sak kunom kuya a tana be̱ nong a tà to̱ kazatse amok kaye̱e̱r katsak. A tonong koangan anerawe ye iyong nye katsak kamok a tú dorok nure̱k.”

Ibrani 4:12

Katsak'e rife̱ Adakunom be kutser ne ri be agap itomong. Agap wu nar afe awe̱n iya i i ta ya abas afa. a te̱m ma kaye̱e̱r kuro̱m ánerawe nong a ta kam kutser be kabik ne ikap be ise̱re̱, ma i ren kuto̱ro̱ng riye̱ anerawe be kunye wu.

Ibrani 10:25

Sang yir tu won dar i nyiis yir kyo̱ndi ákak tan me̱ ne á nye baꞌ. Amma i ban naka tsesek yir, ne i ni barang yir kunye anong kamok yin di yin Kunom'me nye ne kube̱ gbugbarak.

1 aBitrus 1:5

Yin aya kamok kuno̱o̱k katsak yin, Adakunom kaye̱e̱r agbang kukyem wu ta ka fek yin ma yin se̱ yin kashesh na a tana tun katuk igang'e nong koangan tà di.

2 aBitrus 3:3

Agbang ike̱ng mi ta shim yin tu ren yin ye kaye̱e̱r inom igang'e, áner ákak á tana nye áfe zhe̱e̱sh karo̱ tà wuruk ne á nye ámaan ike̱re̱ aye̱ ba ta shim. Á tà ka mas yin,

2 aBitrus 3:7

Be rife̱ Adakunom'me ne a tin shosh kaza be kaben kaya yir ta ye̱re̱k yir na. Be rife̱ Adakunom ne Adakunom won kaza be kaben ma katuk a tana to̱ áya sang á ta fok inyim Adakunom'me baꞌ amok ne a ka shosh ba.