aYohana 12:43 - Izere New Testament

⁴³ kamok ba shim nakerek nufe ánerawe ne á nar nufe Adakunom.

aYohana 12:43 Referans Kwoze

aYohana 5:44

Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?

aYohana 5:41

“Mi tse̱r nakerek nufe ánerawe baꞌ.

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

1 aTasalonika 2:6

Sang yir tse̱r yir nakerek nufe ákak ka nufe yin ka nufe ánerawe baꞌ. Yir ta nye yir ámanzo, yir shim tá ka sor yin acer baꞌ.

2 aKoranti 10:18

Kamok sang aner a ta kerek rice wu ne a tu kerek baꞌ, ma ke aner aya Agwo̱m Ágwo̱m ne a tu ku kerek.

aMatiyu 6:2

“Kamok anong, izen iya ne yin no̱o̱k yin aner aya a ta se kaye̱e̱r kutse̱r, sang tu tsang i taas yin kyo̱ndi ákardak áner ta nye natu aduwa ni ikim iren nong á ta se̱ kuyiik nufe ánerawe baꞌ. Won ta ka tak yin katsak'e, ba n se̱ ishorong ba cei nakuruk.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aYohana 8:54

aYeso tú shim ba'me ye, “Ke mi tiyiik rice mi, kuyiik'e sor ike̱ng ikak baꞌ. Ada mi aya yin ta di yin ye a nye Adakunom yin, ne a nye aner a tin tiyiik.

aLuka 19:17

“Ayong atekasa wu'me fe̱ be wu ye, ‘Dazha asam'i atek, wan tonong katsak natoon ike̱ng ihiir'e, ninye rigwo̱m natoon agbang iwo̱p kuso̱k.’

1 aBitrus 3:4

Won izem yin tu ne kaye̱e̱r aye̱ yin ingya, izem i tana gang baꞌ kyo̱ndi kumees rice ne kuse tatan, iyong ne i nye iyiik'e dide̱ng nasho̱o̱n Adakunom.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aYohana 7:18

Aner aya a ta fe̱ natoon rice wu fe̱ nong a tà tiyiik rice wu. Amma aya a ta shim a ta tiyiik aya a tú ku tom, ayong ne a nye afe katsak, a be abo̱o̱s baꞌ.

aRom 2:29

Aner aYahuda afe katsak ne a nye aya a ta nye áner aYahuda kaye̱e̱r riye̱ wu, izhak ife katsak nye izhak ife Kabik ta nye kaye̱e̱r riye̱, sang ife Itsi aMusa baꞌ. Adakunom ne a kerek aner kuri ayong sang anerawe baꞌ.