aYohana 12:42 - Izere New Testament

⁴² Gip be anong, ánerawe whe̱re̱ ne áko̱k kasho̱o̱n aner aYahuda ti no̱o̱k katsak ni wu. Amma kamok áner aFarisi, ba fok inyim kutonong kuraar ba kanang fan á ba ka tun ba kaye̱e̱r atu aduwa ba,

aYohana 12:42 Referans Kwoze

aYohana 9:22

Átek'e fe̱ anong kamok á fok inyim áner aYahuda'me, kamok áner aYahuda tsang á sak ye aner aya ne a fe̱ ye aYeso nye aKiristi, á tú ku tun kaye̱e̱r atu aduwa ba.

aYohana 7:13

Amma akak kyem a wuruk nong a tá fe̱ natoon aYeso'me kanang baꞌ, kamok ba tá fok inyim áko̱k kasho̱o̱n áner aYahuda'me.

aMatiyu 10:32

“Aner aya ne a fe̱ nasho̱o̱n ánerawe ye wu ti ren, mi tà ma fe̱ ye, sang mi tu ren gip nasho̱o̱n Ada mi afe a ta se kaye̱e̱r naza.

1 aYohana 4:15

Aner aya a ta fe̱ ye aYeso nye Igon Adakunom, Adakunom se kaye̱e̱r wu ne wu se kaye̱e̱r Adakunom gip.

1 aYohana 4:2

Iren yin tana ren yin ye Kabik'e nye kafe Adakunom nye, ke aner'e fe̱ ye aYeso be̱ kaye̱e̱r kuro̱m i nye ye Kabik'e nye kafe Adakunom.

aRom 10:10

Kamok kaye̱e̱r riye̱ wan ne wan ti no̱o̱k katsak nong ta se̱ kute gye̱r nasho̱o̱n Adakunom, ne wan fe̱ kuno̱o̱k katsak wan be kanu wan, ne wan se̱ kashesh.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

aYohana 19:38

Nama anong, aYusufu aner Arimatiya nye alimazhiri aYeso amma a se de̱s baꞌ, kamok a fok inyim áner aYahuda. A tseng nufe aBilatus nong a tá su ku rip ye a ru ku no̱o̱k kukom aYeso. aBilatus'e shim, yong a se sok kukom aYeso'me.

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

aYohana 12:11

kamok natoon wu ne áner aYahuda whe̱r san i kuus aYeso ne á ni no̱o̱k katsak ni wu.

aYohana 11:45

Kamok anong, áner aYahuda whe̱re̱ aya a tá tsang a be̱ nufe aMarya, di ike̱ng iya aYeso tá nye á ti no̱o̱k katsak na aYeso.

aYohana 9:34

Ba fe̱ be wu ye, “Wan afe a tá ka tes kaye̱e̱r rine̱n, ne wan bun i di ye wan tin bo̱so̱p yir a?” Ayong á tú ku tun.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aLuka 12:8

“Won tà ka tak yin, aner aya ne a fe̱ nasho̱o̱n ánerawe ye wu ti ren, Igon Anerawe tà fe̱ ye wu tu ren gip nasho̱o̱n ámaleka Adakunom.

aLuka 6:22

Áner riye̱ rikan ne á nye yin ánerawe tá ka di yin kye̱re̱, ne á kam be yin ne á ka kas yin, ne á ka ranyin kyo̱ndi ike̱ng imaan'e, kamok Igon Anerawe.

aLuka 23:13

aBilatus yis ágbang átsi ne áfe rigwo̱m be ribir ánerawe cei,

aYohana 7:31

Gip be anong, ánerawe dide̱ng ti no̱o̱k katsak na aYeso ne á fe̱ ye, “Nizen iya aKiristi'me, a tà nye itomong azhing iya i ta nar iyuna a?”