aYohana 12:35 - Izere New Testament

³⁵ aYeso fe̱ be ba ye, “Akanang se mak be yin nizen cie̱k tsek. Kamok anong, kutseng yin kum ne akanang'e rusek, fan awhi ba ka se̱ yin. Aner aya a ta tseng nawhi ren karo̱ wu tu ku be baꞌ.

aYohana 12:35 Referans Kwoze

aYohana 12:46

Mi be̱ nazatse kyo̱ndi akanang, nong ase̱ aya a tin no̱o̱k katsak ni mi ta sor nawhi baꞌ.

aYohana 16:16

“Nizen cie̱k yin tà bin di yin baꞌ, amma nama izen cie̱k, ne yin bun i ni di yin.”

Afisa 5:8

Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

aYohana 8:12

Ayong aYeso bun a fe̱ be ánerawe'me ye, “Mi ne i nye akanang kazatse. Koangan afe a ta sen nikuus, a tà tseng nawhi baꞌ, amma a tà se̱ akanang afe kutser.”

aYohana 11:10

Amma aner aya afe a ta tsang a tseng natuk, a tà turuk kutak, kamok akanang kuse baꞌ.”

aYohana 12:36

Ni no̱o̱k yin katsak na akanang'e kum ne akanang'e rusek be yin nong yin tà te yin inoon akanang.” Nama aYeso tá fa fe̱ anong, ne a ku won ba a tá se ne̱re̱ng.

aYohana 7:33

Ayong aYeso fe̱ be ba ye, “Izen mi tana sor be yin se cie̱k tsek, ne mi kubun nufe aya a tin tom.

2 aKoranti 3:14

Amma ánerawe'me tá shonong, yong ma katuur ike̱ng ikak kuse i tu ku te̱ne̱ng ba kudi katsak'ong kaye̱e̱r kushu kuzen. Ike̱ng ku naka kis ma kyo̱o̱rna an wuruk baꞌ, kamok a kyem a tun baꞌ, ma ke be aKiristi tsek.

aYohana 11:9

aYeso fe̱ be ba ye, “Kuwoso se awa kuso̱k be afa aꞌa? Aner aya afe a ta tseng nunom turuk kutak baꞌ, kamok a di akanang kazatse.

aGalati 6:10

To̱, kamok anong, ke i se̱ yir izen, i tonong yir koangan kuse kutek, abaan áfikuus baꞌ.

aLuka 18:37

Iyong ánerawe tu tak ye, “aYeso aner aNazaret ne a sen gor.”