aYohana 12:27 - Izere New Testament

²⁷ “Kyo̱o̱rna mi be kudaam kaye̱e̱r riye̱ mi. Mi tà nye ane̱ e̱? Ke mi fe̱ ye, ‘Ada, ni sok risam na a?’ Wayo, iyuna ne i nye ike̱ng iya mi tin be̱ nizen na.

aYohana 12:27 Referans Kwoze

aYohana 12:23

Ayong aYeso fe̱ be ba ye, “Izen a tana tiyiik Igon Anerawe n nye.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aYohana 13:21

Nama Yeso tá fe̱ rife̱ na, itak'e tú ku daam dide̱ng kaye̱e̱r riye̱ wu yong a fe̱ kanang ye, “Katsak'e mi ta ka tak yin, azining kaye̱e̱r yin tin sok a tà no̱o̱k.”

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

aLuka 22:44

A tá se kaye̱e̱r kudaam dide̱ng, yong a ti barang kunye aduwa. Kutsin wuruk kyo̱ndi naso̱k ku tá teng ne ku kpas kaben.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

aLuka 22:53

Mi se be yin ye̱r ye̱r kaye̱e̱r agbang kutu kuya Adakunom iben, yin ti sak yin kubo̱k natoon'i baꞌ, amma izen ife yin na, izen amaan aner tin nye rigwo̱m nawhi.”

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

aYohana 11:41

Ayong á tomong kuta ame. aYeso sok anyisi naza ne a fe̱ ye, “Ada, mi be riye̱ rikan be wan kamok mi ren wan ti fok.

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

aMatiyu 11:26

Ei, Ada, kamok iyu ne i nye kushim riye̱ wan.

aMatiyu 26:45

Ne a ku bun nufe álimazhiri wu, ne a fe̱ be ba ye, “Yin rusek yin nida i sen song yin a? Di yin izen'e n nye a tana no̱o̱k áfe rine̱n Igon Anerawe.