aYohana 12:20 - Izere New Testament

²⁰ Áner aHeleni nye ákak kaye̱e̱r aya á ta be na aUshalima nong á tá ya Adakunom iben nizen riye̱ rikan ame.

aYohana 12:20 Referans Kwoze

aYohana 7:35

Áner aYahuda'me fe̱ awan ba ye, “Ake̱ ne wu be, yir tana kyem i tseng yir baꞌ e̱? Ka a be nufe ánerawe yir áya a ta te shaam á ta sor be áner aHeleni, nong a bo̱so̱p áner aHeleni'me a?

Itomong Ámanzo 17:4

Iyong áner aYahuda ákak ne áner aHeleni akak afe a tá fok inyim Adakunom ne ányining akak whe̱re̱ aya a tá nye áritek'e, cice̱r ti no̱o̱k katsak rife̱ aBulus be aSila'me, ne á gun rice mak be ba.

Itomong Ámanzo 8:27

Ayong aFilibus'e dorok a tá tseng ne a nyim be agbang aner Itopiya akak, aya a ta tsang akufo. A nye itomong be abining akak a tá nye agwo̱m, aKandis, wu ne a nye aner kusaas itso̱m agwo̱m'me. A be na aUshalima nong ta ya Adakunom iben.

aMarkus 7:26

Abining'e nye abafe aHeleni'me a tu tes na aFoneshiya, a nye aYeso akusuk ye, a ra tun amaan kabik na angas wu.

aGalati 2:3

aTitus gip a ta se mak be mi á nye aner aHeleni'me gye̱rtatan, a ra ku sak a tá nye izhak baꞌ.

Itomong Ámanzo 21:28

Ne á tasak ye, “Áro̱ áner Isarela, be̱ yin tin se̱ mo yir. Di yin, aner na ne a tsang a kar koake̱ ne a fe̱ ike̱re̱ imaan'e natoon ánerawe yir be Itsi yir ne kutu kuya Adakunom iben yir. Ma a n be̱e̱n be aner aHeleni kaye̱e̱r kutu kuya Adakunom iben nong a ta te kye̱re̱ be karo̱ Kazhe̱l'e na.”

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

Itomong Ámanzo 16:1

Ayong aBulus tseng na aDarbe a ta se wesek na aListira. Alimazhiri akak tuse azong riyerek wu tá nye aTimoti. Anyining wu nye abafe aYahuda'me ne a nye afikuus'e, amma atek wu nye aner aHeleni.

Itomong Ámanzo 14:1

To̱, nizen iya aBulus be aBarnabas ta se na Ikoniya, a se no̱ kaye̱e̱r kutu aduwa áner aYahuda kyo̱ndi á tan me̱ ne á nye. Iyong a taas rife̱ Adakunom azong be katsak ma ánerawe whe̱re̱ á tá nye áner aYahuda be áya a ta nye áner aYahuda baꞌ ti no̱o̱k katsak na aYeso.

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

aRom 10:12

Kamok áner aYahuda be áya sang a ta á nye áner aYahuda baꞌ se ze̱e̱r baꞌ. Agwo̱m Ágwo̱m'me se azining, a ti nye rigwo̱m natoon koangan, ne a no̱o̱k koangan afe a ta yis kaye̱e̱r riyerek wu kurum wu washak,

aRom 1:16

Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

aYohana 12:1

A tú ku won inom igataar ne a nye riye̱ rikan aPasova, yong aYeso be na aBetani, naro̱ kaya aLazarus tú ku sor. Aner aya aYeso tú ku dorok nure̱k ame.

aYohana 12:19

Ayong áner aFarisi fe̱ awan ba ye, “Di yin, yir i kyem i nye yir ike̱ng ikak baꞌ. Di yin kazatse cice̱r ta kuus kama wu.”