aYohana 12:16 - Izere New Testament

¹⁶ Ni ime̱se̱ng'e álimazhiri wu tsang á ren ike̱ng'e baꞌ, ma nama a tá dorok aYeso be kuyiik, ba tá ra yiring'e ye, ike̱re̱'ong se ni izibir natoon wu kyo̱ndi ba tá mu ku nye'me.

aYohana 12:16 Referans Kwoze

aYohana 2:22

Nama aYeso tá dorok nure̱k, álimazhiri wu yiring be ike̱ng ife wu tin fe̱ natoon'e. Iyong ba ti no̱o̱k katsak rife̱ Adakunom ne rife̱ aYeso tá tsang a fe̱ be ba.

aYohana 14:26

Amma Aner Kutobok, a ta nye Kabik Kazhe̱l'e aya Ada tana tom'e kaye̱e̱r riyerek'i, wu ne a tà ka bo̱so̱p yin koakye, ne a ka yiring yin koakye ike̱ng mi tá fe̱ be yin.

aYohana 7:39

aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

Itomong Ámanzo 2:36

“Kamok anong, won yin áner Isarela cice̱r tu ren yin ye, aYeso aya yin tú ku tigak yin nukon ame ne Adakunom mu ku sak an te Agwo̱m Ágwo̱m ne a nye aKiristi.”

aYohana 12:23

Ayong aYeso fe̱ be ba ye, “Izen a tana tiyiik Igon Anerawe n nye.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 8:1

Rice rife̱ yir tin fe̱ yir se ye, yir be yir agbang atsi akak kyo̱ndi ayong afe a tá sonong nubo̱k riya itsik rigwo̱m Adakunom ayiik'e kaye̱e̱r kaza.

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

aYohana 16:4

Mi ta ka tak yin ike̱re̱ na, nong ke izen'e nye yin tà yiring yin ye, mi ma ka ko̱ro̱k yin kuto. Mi ta tak yin iyu ni ime̱se̱ng'e baꞌ, kamok mi se mak be yin.

aLuka 24:45

Ayong a tú sak ba á ta ren ike̱ng afumung'e ta fe̱.

aLuka 24:25

Ne aYeso fe̱ be ba ye, “Yin áfunam ákak, akye̱ kuri aye̱ ne yin be yin i ta won dar i ni no̱o̱k yin katsak nike̱re̱ áner kuzarap Adakunom tá fe̱ e̱?

aLuka 18:34

Amma álimazhiri'me ren ike̱ng iya a tin fe̱ natoon'e baꞌ. A tu ne̱r ba ike̱ng iya rife̱'me tá sor, ba ren ike̱ng iya a tin fe̱ natoon'e baꞌ.

aLuka 9:45

Amma ba kyem á ren ike̱ng iya rife̱'me tá sor baꞌ. A tú ne̱r ba'me fan á bu ren ike̱ng'e. Inyim tú ro̱ ba, akak kyem á tú rip baꞌ.

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

aMarkus 9:32

Amma ba kyem á ren ike̱ng iya rife̱'me tá sor baꞌ, ákak kyem á tu ku rip baꞌ, kamok inyim tu ku ro̱ ba.