aYohana 12:13 - Izere New Testament

¹³ Ayong á bo̱s afumung atarkai nong á tá tseng á tá se nyim be wu, ne á tang kuto̱ naza ye, “Nakerek nye nafe Adakunom. Aner riye̱ rikan ne nye aya a ta be̱ kaye̱e̱r riyerek Agwo̱m Ágwo̱m! Aner riye̱ rikan ne nye Agwo̱m Isarela.”

aYohana 12:13 Referans Kwoze

Ike̱ng a ta tonong aYohana 15:3

Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aMatiyu 23:39

Kamok anong, katsak'e ne mi ta ka tak yin, yin tà bin di yin baꞌ, ma katuk kaya ne yin fe̱ yin ye, ‘Aner riye̱ rikan ne a nye aner aya a tá be̱ kaye̱e̱r riyerek Agwo̱m Ágwo̱m.’ ”

aYohana 19:15

Amma áner aYahuda ame korok ikun ye, “A ku fe̱r! A ku fe̱r! A ku tigak!” Ayong aBilatus tú ku rip ba ye, “Yin shim yin mi ta tigak agwo̱m yin a?” Ne ágbang atsi ame fe̱ ye, “Ei, yir be yir agwo̱m akak ze̱e̱r be aKaisar baꞌ.”

Ike̱ng a ta tonong aYohana 19:16

Natoon kukpiin wu be natoon ishurtak'e, a ti zibir riyerek rikak ye, agwo̱m ágwo̱m afe a tin nye rigwo̱m natoon ágwo̱m.

aYohana 12:15

“Sang tu fok yin inyim baꞌ, áner aUshalima, Di yin, Agwo̱m yin saase, natoon igon azhaki.”

aMatiyu 27:42

“A shesh ákak, amma ko a kyem a shesh rice wu baꞌ. Ke wu ne a nye agwo̱m áner Isarela, a ra tiik kaben nong yir tin no̱o̱k yir katsak ni wu.

aYohana 12:14

aYeso tá se̱ igon azhaki kakak, yong a ti ngarak natoon'e, kyo̱ndi a tá zibir ye,