aYohana 11:55 - Izere New Testament

⁵⁵ Izen kunye riye̱ rikan kuyiring be aPasova tá nye, ánerawe whe̱re̱ tseng na aUshalima nong a ta se na ka kusu nong a ta te zhe̱l, kyo̱ndi a tan me̱ ne á nye.

aYohana 11:55 Referans Kwoze

aYohana 12:1

A tú ku won inom igataar ne a nye riye̱ rikan aPasova, yong aYeso be na aBetani, naro̱ kaya aLazarus tú ku sor. Aner aya aYeso tú ku dorok nure̱k ame.

aYohana 6:4

Izen afe áner aYahuda tana nye riye̱ rikan aPasova tsang be̱ bubarak.

aYohana 2:13

Izen kunye riye̱ rikan aPasova ta fa be̱ barak, yong aYeso be na aUshalima.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

1 aKoranti 11:28

To̱, koangan ra maas rice wu nizham a ta ra ya abiredi ne a so̱ kaye̱e̱r ako̱p na.

Itomong Ámanzo 24:18

Mi sen nye anong'e nizen iya ba tin se̱ kaye̱e̱r agbang kutu kuya Adakunom iben nama mi tan gang kunye ike̱re̱ itsi ta fe̱ ye i ra nye, mi se zhe̱l. Ba ti se̱ be rigwo̱m ánerawe ka be riwo̱ng be ánerawe baꞌ.

aYohana 18:28

Nadiding bop, aner aYahuda'me won kasa aKayafas nong á ta tseng be aYeso nasa aner a tá nye agwo̱mna aRom. Áner aYahuda'me gaar kuno̱ kaye̱e̱r azuri rigwo̱m'e ye iyong ta sak ba ta ba se zhe̱l baꞌ. Kamok ba shim á ta se ya naya aPasova.

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aYohana 5:1

Nama anong, aYeso tseng na aUshalima kamok riye̱ rikan igo̱o̱n aner aYahuda.

aYohana 2:6

Nafeneng igataar nafe a tá nye be ata tuse bubarak azong, kuri naya áner aYahuda tin nye itomong ni igo̱o̱n ku naka kusu ba nong á ta te zhe̱l. Koakye kafeneng'e ta sok ágalon iso̱k ifa ka itaar ayi.

aMarkus 14:1

To̱, a tú won inom ifa ne a nye Riye̱ Rikan aPasova ne izen Kuya aBiredi Dar Ayisti, ágbang atsi ne áner kubo̱so̱p Itsi se be kutse̱r iren á tana yiir aYeso be ritseng nong á tu ku fe̱r.

aMatiyu 26:1

aYeso ta fa gang kufe̱ ike̱re̱ na cice̱r, ne a fe̱ be álimazhiri wu ye,

aMatiyu 26:2

“Yin ren yin izen kunye riye̱ rikan aPasova a tu ku won inom ifa ne a nye nizen iyong ne a ta no̱o̱k Igon Anerawe nong a ta tigak.”

aLuka 22:1

To̱, izen kunye riye̱ rikan abiredi aya sang a ta be ayisti baꞌ, aya a ta yis ye aPasova tá be̱ bubarak,

Itomong Ámanzo 21:24

Tseng mak be ba nong ta se te zhe̱l ne wan karang itso̱m kute zhe̱l ba'me nong á tu ku kor ba. Be anong ne koangan tà ren ye ike̱ng iya a tin fe̱ natoon wan nye abo̱o̱s, amma wan kuus Itsi aMusa.

Itomong Ámanzo 21:26

Kayatson'e aBulus tseng mak be áner ame á tá se naka kusu nong á ta te zhe̱l. Iyong a tseng nagbang kutu kuya Adakunom iben nong ase̱ a ta tonong inom kute zhe̱l'e tana gang nong a ta nye asidaka kamok koangan ba.