aYohana 11:42 - Izere New Testament

⁴² Mi ren ko gbugbang gip wan ti fok, amma mi fe̱ anong, nong ánerawe na aze, tin no̱o̱k katsak ye wan ne i ti tom.”

aYohana 11:42 Referans Kwoze

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 11:22

Amma mi ren ye ko kyo̱o̱rna'me Adakunom tà ka no̱o̱k koakye wan tù ku rip.”

aMatiyu 26:53

Yin di yin ye mi ta kyem i fe̱ be Ada mi nong a tin se̱ mo aꞌa? Ne a wor a tom ámaleka wu na ágwo̱m kuso̱k be afa.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aYohana 11:31

Áner aYahuda aya a tá tsang á be̱ ni inye aMarya ako̱o̱k kari di a tá dorok nong a ta wuruk zizirik. Á tú kuus ba sor ye a be ni inye riyo̱m nure̱k'e̱.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 8:29

Aya a tin tom se be mi; a ti won mi ka ma mi baꞌ, kamok mi nye koakye riye̱ wu tá shim.”

aYohana 8:16

Amma ke mi to̱ amok'e, amok'i nye katsak, kamok mi se mi ze̱r baꞌ. Mi se mak be Ada mi aya a tin tom.

aYohana 11:43

Nama a tá fe̱ anong, ne a ta kuto̱ ba agap ye, “aLazarus, wuruk!”

aYohana 12:11

kamok natoon wu ne áner aYahuda whe̱r san i kuus aYeso ne á ni no̱o̱k katsak ni wu.

aYohana 12:17

Áner aya a tá se be aYeso nizen iya a tá yis aLazarus nure̱k, a tú ku dorok be kutser. Á yiir itaas ánerawe ike̱ng aYeso tá nye.