aYohana 11:40 - Izere New Testament

⁴⁰ Ayong aYeso fe̱ be wu ye, “Mi di ye, mi tsang i ka tak ye, ke wan ti no̱o̱k katsak, wan tà di kuyiik Adakunom a?”

aYohana 11:40 Referans Kwoze

aYohana 11:4

Nizen iya aYeso tá fok anong, a fe̱ ye, “Kuro̱k na tù ku fe̱r baꞌ, amma ku tà be̱e̱n Adakunom ne Igon wu kuyiik.”

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aYohana 9:3

aYeso tú ku shim ba'me ye, “Sang akak kaye̱e̱r ba ne a nye rine̱n baꞌ, amma a tú ku nye anong, nong ase̱ a ta tonong kuyiik Adakunom natoon wu.

aYohana 12:41

Ishaya fe̱ anong kamok wu di kuyiik aYeso ne a fe̱ itak wu.

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aMarkus 9:23

Ayong aYeso tú ku rip ye, “Wan di ane̱, wan ta fe̱ ye, ‘Ke wan ta kyem e̱?’ Koakye ike̱ng nye ife kunye nufe aner aya a ta no̱o̱k katsak.”

aRom 6:4

Kamok abatisma yir a ti ne̱r yir mak be wu, yir te yir azining be wu kaye̱e̱r riku wu. Kyo̱ndi a tá dorok aKiristi nure̱k be kutser be kuyiik Ada'me, anong ne yir gip ta sor yir kaye̱e̱r kusor kufas.