aYohana 11:4 - Izere New Testament

⁴ Nizen iya aYeso tá fok anong, a fe̱ ye, “Kuro̱k na tù ku fe̱r baꞌ, amma ku tà be̱e̱n Adakunom ne Igon wu kuyiik.”

aYohana 11:4 Referans Kwoze

aYohana 11:40

Ayong aYeso fe̱ be wu ye, “Mi di ye, mi tsang i ka tak ye, ke wan ti no̱o̱k katsak, wan tà di kuyiik Adakunom a?”

aYohana 9:3

aYeso tú ku shim ba'me ye, “Sang akak kaye̱e̱r ba ne a nye rine̱n baꞌ, amma a tú ku nye anong, nong ase̱ a ta tonong kuyiik Adakunom natoon wu.

1 aBitrus 4:14

Ke a ta ka kas yin ye kamok yin ta nye yin áfe aKiristi, sok yin ye i nye ike̱ng itek, kamok kuyiik ne kabik Adakunom se natoon yin.

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 2:11

Iyu ne i nye ike̱ng azhing ife ime̱se̱ng aYeso tá nye, a nye nuwo̱p aKana niben aGalili. A tonong kuyiik wu azong, yong álimazhiri wu ti no̱o̱k katsak ni wu.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

aYohana 17:1

Nama aYeso tá fe̱ ike̱re̱ na, ne a sok rice wu naza a tá ye̱re̱k kaza nong a tá nye aduwa ye, “Ada, izen'e n nye. Tiyiik Igon wan, nong wu gip a tà ka tiyiik.

aYohana 9:24

Á bun á yis aner a tá tsang a nye akpato̱o̱n ame ife afa gbak nong á tá fe̱ be wu ye, “Fok inyim Adakunom wan, nong ta fe̱ katsak. Amma yir, yir ren yir aner nye aner rine̱n.”

aYohana 8:54

aYeso tú shim ba'me ye, “Ke mi tiyiik rice mi, kuyiik'e sor ike̱ng ikak baꞌ. Ada mi aya yin ta di yin ye a nye Adakunom yin, ne a nye aner a tin tiyiik.

aRom 11:11

Mi bun inye kurip gbak ye. Nizen iya áner Isarela tá turuk kutak, á ba bun á dorok aꞌa? Wayo, ko cie̱k! Kunye rine̱n ba ban kusak áner afe sang á ta nye áner aYahuda baꞌ, ta se̱ kashesh ingya ma áner Isarela tu shishim ba.

aYohana 17:10

Koakye mi ta be cei nye ifuan, ne ike̱re̱ wan ta be cei nye inaan. Mi n se̱ kuyiik kamok ba.

aYohana 12:28

Ada, tiyiik riyerek wan.” Iyong kuto̱ ne naza ye, “Mi mu ku tiyiik, mi tà bun i ku tiyiik gbak.”

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aYohana 10:38

Amma ke iyong ne mi nye, ko ke yin tin no̱o̱k katsak ni mi baꞌ, ni no̱o̱k yin katsak ni itomong'e. Nong ase̱ ta ren yin ye Ada'me se kaye̱e̱r'i ne mi se kaye̱e̱r Ada'me.”