aYohana 11:32 - Izere New Testament

³² Nizen iya aMarya tá tseng naro̱ aYeso tú ku se, a di aYeso'me, ayong a kpa natak wu nong a tá fe̱ be wu ye, “Agwo̱m Ágwo̱m, wan fa se aze, ke aronyining'i ku baꞌ.”

aYohana 11:32 Referans Kwoze

aYohana 11:21

Ayong aMarta fe̱ be aYeso ye, “Atekasa, wan fa se aze ko ke aronyining'i ku baꞌ.

aLuka 17:16

A se kpa kaben nasho̱o̱n aYeso nong a tá tonong riye̱ rikan wu. Aner'e nye aner aSamariya.

aLuka 5:8

aSiman Bitrus tá fa di anong, ne a tigbok akuur wu kaben nasho̱o̱n aYeso nong a tá fe̱ ye, “Kam be mi Agwo̱m Ágwo̱m, mi nye aner rine̱n.”

aLuka 8:41

Ne aner akak a tú ku yis ye, aZharus a tá nye ako̱k kasho̱o̱n kutu aduwa, wor a be̱ a tá kpa nasho̱o̱n aYeso, a tú ku nye akusuk ye a ra tseng kari wu

Ike̱ng a ta tonong aYohana 22:8

Mi aYohana, mi fok ne i dis ike̱re̱ na. Mi tá fa gang ku foos ne ku ye̱re̱k'e cei ne mi kpa natak amaleka ame nong tú ku ya iben, wu aya a tin tosong ike̱re̱'me.

Ike̱ng a ta tonong aYohana 5:14

Ne íkewum inaas ife kutser ame fe̱ ye, “Anong.” Ne áko̱k kasho̱o̱n ame kpas kaben a tú ku ya iben.

Ike̱ng a ta tonong aYohana 5:8

Nizen iya a ta sok kukpa, ikewum inaas ife kutser ame ne áko̱k kasho̱o̱n iso̱k ifa be anaas ame kpas kaben nasho̱o̱n Aturuk'me. Koangan be izom wu ne kakereng izinariya nafe name iko̱o̱n itek kaye̱e̱r'e. Name'me sor kyo̱ndi aduwa ázhe̱l'e.

aYohana 11:37

Amma ákak ba fe̱ ye, “A karak akpato̱o̱n anyisi, ne a ra won dar a te̱ne̱ng aner na riku a?”

aYohana 4:49

Ne aner itomong rigwo̱m ame fe̱ ye, “Atekasa, be̱ i tseng yir nizham fan igon'i bu ku.”

aYohana 11:2

aMarya na nye angasnyining aLazarus aya a tá se nameneng be kuro̱k. Wu ne a ku kon Agwo̱m Ágwo̱m name, ne a re̱ng atak wu be nakuyo̱ng rice wu.