aYohana 11:27 - Izere New Testament

²⁷ Ayong aMarta fe̱ be aYeso ye, “Ei, wan nye Agwo̱m Ágwo̱m, mi ti no̱o̱k katsak ye wan ne i nye aKiristi'me, Igon Adakunom, aya a tá fe̱ ye a tà be̱ nazatse.”

aYohana 11:27 Referans Kwoze

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aYohana 4:42

Iyong ba fe̱ be abining ame ye, “Yir ti no̱o̱k yir katsak, kyo̱o̱rna sang kamok ike̱ng wan tá fe̱ tsek baꞌ, amma yir tu ku fok yir be rice yir, ye aner na nye aner kashesh kazatse be katsak.”

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.

aMatiyu 11:3

nong á tá su ku rip ye, wu ne a nye aya a tá fe̱ ye, a ta be̱ ame ka ba ra tor akak ze̱e̱r e̱?

aMatiyu 16:20

Ayong a kpam álimazhiri wu ye, sang á tu tak akak ye, wu ne a nye aKiristi'me baꞌ.

Itomong Ámanzo 8:37

Amma aFilibus fe̱ be wu ye, ‘Ke wan ti no̱o̱k katsak be riye̱ wan cei ne a ka nye abatisma ame.’ Aritek ame fe̱ ye, ‘Ei, mi no̱o̱k katsak ye aYeso Kiristi ne a nye Igon Adakunom.’ ”