aYohana 11:25 - Izere New Testament

²⁵ Ayong aYeso fe̱ be wu ye, “Mi ne i nye kudorok ikom ne i nye kutser. Aya a tin no̱o̱k katsak ni mi ko ke a ku gip a tà se̱ kutser,

aYohana 11:25 Referans Kwoze

1 aTasalonika 4:14

Yir ti no̱o̱k yir katsak ye, aYeso ku, a tá bun a dorok be kutser, anong ne áya a tá mereng ida kaye̱e̱r Agwo̱m Ágwo̱m yir. Adakunom tà be̱ be ba mak be aYeso katuk igang'e.

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aYohana 1:4

Kaye̱e̱r wu kutser kuse, kutser na be̱e̱n be akanang nufe ánerawe.

aYohana 5:21

Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser.

aYohana 6:44

“Akak ta kyem a be̱ nunaan baꞌ, ma ke Ada'me a tin tom ne a tu ko̱ro̱k, ne mi ku dorok be kutser katuk igang'e.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aYohana 6:35

Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.

Ike̱ng a ta tonong aYohana 21:4

A tà ka re̱ng ba nanyisi cei. Riku ka riye̱ riwe ka kanak ka kuro̱'me ba sen kuse baꞌ, kamok ike̱re̱ kazatse izen cice̱r tà wei.”

aFilipi 3:10

Mi shim ta ren aKiristi, mi shim tù ku ren be kukyem wu a tin dorok nure̱k ne mi gung rice be wu kaye̱e̱r risam wu ne riku wu.

Ike̱ng a ta tonong aYohana 20:5

Iyu ne i nye kudorok ikom kufe ime̱se̱ng'e. (Ribir ánerawe áya a tá tsang á kus'e dorok be kutser baꞌ, ma nama aye̱ izungu izining'e tá gor.)

Itomong Ámanzo 3:15

Yin fe̱r yin aner aya wu ne a ta Ritin kutser amma Adakunom tú ku dorok nure̱k. Yir tú ku di yir be anyisi yir.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 5:26

Kyo̱ndi Ada'me ta nye iren kutser, anong ne a sak Igon wu ta sor iren kutser.

Ike̱ng a ta tonong aYohana 22:17

Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.

aYohana 14:19

A tú ku won izen cie̱k, kazatse tà bin di baꞌ, amma yin tin di yin. Kamok mi be kutser, yin gip yin tà sor yin be kutser.

aFilipi 1:23

I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

2 aKoranti 4:14

Kamok yir ren yir ye aner aya a ta dorok Agwo̱m Ágwo̱m yir aYeso kaye̱e̱r kure̱k, a ta bun a tin dorok yir mak be wu, ne a bun a tseng be yir nasho̱o̱n wu mak be yin.

aRom 4:17

Kyo̱ndi i ta se kaye̱e̱r izibir rife̱ Adakunom ye, “Mi ta ka sak nong wan ta sor ada ánerawe whe̱re̱.” Adakunom afe wu tin no̱o̱k katsak tú ku sok a tá sor ada yir. Wu ne a nyesek áya a tá kus kutser, rife̱ wu ne ri sak a nye ike̱re̱ i ta tsang i kuse baꞌ.

aLuka 23:43

aYeso fe̱ be wu ye, “Won ta ka tak katsak'e, katuur wan tà se mak be na aParadis.”

1 aKoranti 15:29

Ke i nye ye kudorok ikom kuse baꞌ, akye̱ ne áya a ta nye ba abatisma rice áfe a tan kus ta nye e̱? Ke i nye ye kudorok ikom kuse baꞌ, akye̱ sak a tu nye ba abatisma'me e̱?

1 aKoranti 15:18

To̱, áya a ta se nida kaye̱e̱r aKiristi wei ma izen izen.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.