aYohana 11:11 - Izere New Testament

¹¹ Nama aYeso tá fe̱ anong, a bun a fe̱ ye, “Afaram yir aLazarus an men ida, mi be azong ta se ku shiming.”

aYohana 11:11 Referans Kwoze

aYohana 11:13

aYeso sen nife̱ natoon riku aLazarus'e, amma álimazhiri wu sor ye a sen fe̱ itak ida tsek.

1 aTasalonika 5:10

A ku kamok yir, nong ase̱ ko yir tuse yir nida ka yir tu di yir karo̱, yir tà sor yir mak be wu.

1 aKoranti 15:51

Wesek yin kuto, mi tà ka tak yin ike̱ng ikak i tá se de̱s baꞌ. Sang cice̱r yir ne i ta tsang i mereng yir ida baꞌ, amma cice̱r yir ne a tà shishing kuro̱m yir,

Itomong Ámanzo 7:60

Ayong a tigbok akuur a tá ta kuto̱ naza ye, “Agwo̱m Ágwo̱m, tu fa rine̱n na natoon ba baꞌ.” A tá fa fe̱ anong ne a kpa kaben a tá ku.

aMatiyu 27:52

Are̱k karak ne áya a tá tsang á kus á tá nye azhe̱l'e bun á dorok be kutser,

Afisa 5:14

Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”

aMarkus 5:39

Ayong a no̱ kaye̱e̱r'e nong a tá fe̱ be ba ye, “Akye̱ sak yin washam yin ne i tang yin ikun be nanak dide̱ng cice̱r ana e̱? Kanamang'e n ku baꞌ, a se be ida tsek.”

aMatiyu 9:24

Ne a fe̱ be ba ye, “Tseng yin, kanamang'e n ku baꞌ. A se be ida.” Ayong á tu mas.

aYakub 2:23

Ne rife̱ Kufumung Adakunom shining riya ri ta fe̱ ye, “Ibirahim ti no̱o̱k katsak na Adakunom yong kuno̱o̱k katsak wu sak a tu di jel, ne a ku yis ye aferime̱ Adakunom.”

1 aKoranti 15:34

Kubun yin kaye̱e̱r kuto̱ro̱ng yin kutek, won yin kunye rine̱n. Ákak yin ren Adakunom baꞌ. Mi fe̱ iyu nikum tà fok yin isum.

1 aKoranti 15:18

To̱, áya a ta se nida kaye̱e̱r aKiristi wei ma izen izen.

aYohana 11:3

Ayong ángasnyining'e tom nufe aYeso ye, “Atekasa, di aner aya wan tá shim ame nye atser baꞌ.”

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

aYohana 11:10

Amma aner aya afe a ta tsang a tseng natuk, a tà turuk kutak, kamok akanang kuse baꞌ.”

aYohana 11:12

Ayong álimazhiri wu fe̱ be wu ye, “Atekasa ke an men ida a tà dorok.”