aYohana 10:4 - Izere New Testament

⁴ Nizen iya ne a tun ifu cice̱r, ne wu tseng nasho̱o̱n ne itsamang'me ku kuus kamok ba ren kuto̱ wu.

aYohana 10:4 Referans Kwoze

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

1 aBitrus 2:21

Kamok kuri risam'ong ne Agwo̱m Ágwo̱m tá yis mo yin. aKiristi gip a so̱ risam kamok yin. Be anong ne a tá won mo yin ane̱ wu nong tà kuus yin.

1 aBitrus 5:3

Tin nye yin rigwo̱m natoon ba be agap baꞌ, sor yin kusor kuri kuya ba tana kuus ane̱e̱ yin.

1 aKoranti 11:1

Kuus yin ane̱e̱ mi kyo̱ndi mi ta kuus afe Kiristi.

aYohana 10:8

Cice̱r áfe a ta tsang á be̱ nizham mi tá ra be̱ na nye ákpatang. Itsamang'me tú fok ba baꞌ.

aMatiyu 16:24

Ayong aYeso fe̱ be álimazhiri wu ye, “Ke akak shim a tin kuus ma a rawu rice wu ne a sok kukon ku kutigak wu ne ni kuus.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 6:20

aYeso tsang an tseng azong nasho̱o̱n yir kamok yir. An te agbang atsi ma izen izen kyo̱ndi aMakizadek.

Afisa 5:1

Kamok anong, kum yin ta nye yin inoon na áya Adakunom ta shim, to̱, kuus yin ane̱e̱ Adakunom.

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

aYohana 13:15

Mi ta tonong yin ike̱ng ife yin tana kuus yin, yin gip tà nye yin anong.

1 aBitrus 4:1

Kamok anong, kum aKiristi tá so̱ risam nuro̱m, to̱, yin gip nye yin kanye̱k kuso̱ risam kamok koangan aya ne a so̱ risam nuro̱m tonong ye wu n gang be rine̱n baꞌ.

aYohana 10:3

Aner aya a ta tor kaming itsamang'me ta karak afek itsamang'me kaming'e. Ne itsamang'e fok kuto̱ afek ba. A yis itsamang wu'me be ayerek ba. Ne a ku tun ba nufang.

aYohana 10:5

Itsamang'me tà kuus aner atsen baꞌ, i tu ku teng kamok ba ren kuto̱ aner atsen'e baꞌ.”

aYohana 10:27

Itamang'i fok kuto̱ mi, mi ta ren ba ne ba ni kuus.