aYohana 10:38 - Izere New Testament

³⁸ Amma ke iyong ne mi nye, ko ke yin tin no̱o̱k katsak ni mi baꞌ, ni no̱o̱k yin katsak ni itomong'e. Nong ase̱ ta ren yin ye Ada'me se kaye̱e̱r'i ne mi se kaye̱e̱r Ada'me.”

aYohana 10:38 Referans Kwoze

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aYohana 10:30

Mi be Ada'me i se yir ázining.”

aYohana 10:25

aYeso fe̱ be ba ye, “Mi kun ka tak yin, amma yin ti no̱o̱k yin katsak baꞌ. Itomong azhing iya mi tá nye, mi nye kaye̱e̱r riyerek Ada mi, tonong kuri aner aya afe mi ta nye.

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 5:36

“Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom.

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

aYohana 11:4

Nizen iya aYeso tá fok anong, a fe̱ ye, “Kuro̱k na tù ku fe̱r baꞌ, amma ku tà be̱e̱n Adakunom ne Igon wu kuyiik.”

1 aYohana 3:24

Koangan afe a ta kuus ike̱ng iya itsi Adakunom tá fe̱ a se kaye̱e̱r Adakunom'me ne Adakunom se kaye̱e̱r wu. Yir ren yir ye Adakunom se mak be yir be Kabik Kazhe̱l'e a tin no̱o̱k yir.