aYohana 10:36 - Izere New Testament

³⁶ Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 10:36 Referans Kwoze

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 6:27

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 19:7

Amma áner aYahuda yiir'e ding ding ye, “Yir be yir itsi, itsi yir fe̱ ye, a tù ku fe̱r dim, kamok wu sok rice wu ye wu nye Igon Adakunom.”

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

aYohana 17:18

Kyo̱ndi wan tin tom kaye̱e̱r kazatse, anong ne mi ka tom ba kaye̱e̱r kazatse.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aYohana 6:57

Kyo̱ndi Ada afe kutser tin tom ne mi sor be kutser kamok Ada'me, anong ne aner aya afe a tin sok i ta te naya wu tà sor be kutser kamok'i.

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aYohana 5:30

Mi kyem i nye ike̱ng ikak be rice mi ze̱r baꞌ. Mi to̱ amok'i kyo̱ndi Adakunom tin tak ye i ra nye. Kamok anong amok'i nye afe katsak, kamok mi nye ike̱ng mi ta shim tsek baꞌ, amma ife aya a tin tom.

aYohana 3:34

Kamok aya Adakunom ta tom fe̱ rife̱ Adakunom, kamok Adakunom tu ku no̱o̱k Kabik wu dar igak.

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

aMatiyu 27:43

A ti fe̱re̱ng na Adakunom. Won Adakunom'me tu ku shesh. Wu fe̱ ye wu nye Igon Adakunom.”

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

aYohana 10:35

Ke a tu yis ba ye adakunom to̱, nufe angan ne rife̱ Adakunom'me be̱ e̱? Rife̱ Adakunom'me nye abo̱o̱s baꞌ.