aYohana 10:33 - Izere New Testament

³³ Áner aYahuda ame fe̱ ye, “Ei, sang kamok itomong itek wan tá nye ne yir sen ka barak yir baꞌ, amma kamok kuzhe̱e̱sh wan tá nye Adakunom'me. Wan nye anerawe tsek, amma wan sok rice wan ye wan nye Adakunom.”

aYohana 10:33 Referans Kwoze

aYohana 5:18

Kamok anong áner aYahuda tse̱r iren kufe̱r aYeso, sang kamok a tá shorop itsi kunom Asabar tsek baꞌ, amma a yis Adakunom ye ada wu, ne a sok rice wu tite̱re̱ be Adakunom.

aYohana 10:30

Mi be Ada'me i se yir ázining.”

aFilipi 2:6

Aya a ta nye Adakunom nuse, a ra sok rice wu te̱re̱ be Adakunom ding ding baꞌ,

aRom 13:1

Koangan ra kuus ike̱ng iya rigwo̱m iben ta fe̱ ye a ra nye dim kamok akak ta kyem a te ako̱k kasho̱o̱n baꞌ, sang ke Adakunom ne a tu ku no̱o̱k baꞌ. Áko̱k kasho̱o̱n afe yir ta be yir cice̱r Adakunom ne a tu no̱o̱k.

aYohana 10:24

Áyong áner aYahuda tú gorok nong á tá fe̱ be wu ye, “Ma akye̱ izen ne wan tin won yir kaye̱e̱r agak riye̱ e̱? Ke wan ne i nye aKiristi'me, ne wan ni tak yir kanang.”

aYohana 10:32

Iyong aYeso fe̱ be ba ye, “Mi ma ka tonong yin itomong azhing dide̱ng i tá ne nufe Ada, kamok anong, inyaka ne yin shim tin barak yin mo e̱?”

aYohana 19:7

Amma áner aYahuda yiir'e ding ding ye, “Yir be yir itsi, itsi yir fe̱ ye, a tù ku fe̱r dim, kamok wu sok rice wu ye wu nye Igon Adakunom.”