aYohana 10:30 - Izere New Testament

³⁰ Mi be Ada'me i se yir ázining.”

aYohana 10:30 Referans Kwoze

aYohana 14:9

Ne aYeso fe̱ be wu ye, “aFilibus, wan ti ren aꞌa? Mi ta kun sor mak be yin izen dide̱ng na. Koangan a tin di, a di Ada'me. Akye̱ sak wan tá fe̱ ye, ‘Ni tonong yir Ada'me e̱?’

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

aYohana 8:58

aYeso fe̱ be ba ye, “Katsak'e ne mi ta ka tak yin, nizham a tá ra tes Ibrahim ‘Mi Nye I Nye.’ ”

aYohana 5:17

aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.”

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aYohana 17:10

Koakye mi ta be cei nye ifuan, ne ike̱re̱ wan ta be cei nye inaan. Mi n se̱ kuyiik kamok ba.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aYohana 16:15

Ike̱re̱ iya i ta nye ife Ada'me cei nye inaan. Ike̱ng iya i tá sak mi tá fe̱ ye, Kabik tà kok ike̱re̱ inaan ne a ka taas yin.

1 aYohana 5:7

Kamok anong, íren itaar kuse yir tana ren yir katsak natoon aYeso.

aYohana 10:29

Ada mi afe a tin no̱o̱k itsamang'e, se yiik ne a nar cice̱r. Aner akak kyem a tin shan nubo̱k Ada mi baꞌ.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?