aYohana 10:16 - Izere New Testament

¹⁶ Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aYohana 10:16 Referans Kwoze

1 aBitrus 2:25

Kamok yin tsang i se yin kyo̱ndi itsamang iya i ta te shaam, amma kyo̱o̱rna yin mu ku bun yin nufe Afek ne Ako̱k Kasho̱o̱n kutser yin.

aYohana 11:52

Sang kamok áner aYahuda tsek baꞌ, amma nong a tà tusung áner Adakunom aya a tá te shaam tà te azining.

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aYohana 10:27

Itamang'i fok kuto̱ mi, mi ta ren ba ne ba ni kuus.

aYohana 10:11

“Mi ne i nye afek atek. Afek atek no̱o̱k rice wu kamok itsamang wu.

Ike̱ng a ta tonong aYohana 3:20

Di, mi na nunyeseng ne i ca kanukutu. Aner aya a fok kuto̱ mi, a ti karak'e ne mi no̱ ta ya mak be wu ne wu ya be mi gip.

1 aBitrus 2:10

Gbugbang yin tsang i nye yin ánerawe Adakunom baꞌ, amma kyo̱o̱rna yin nye yin ánerawe Adakunom. Gbugbang yin tsang i se̱ yin kuro̱ riye̱ Adakunom baꞌ, amma kyo̱o̱rna yin n se̱ yin.

2 aTasalonika 2:13

Ároneng, gye̱r ke yir nye yir riye̱ rikan be Adakunom ye̱r ye̱r kamok yin, yin áya Agwo̱m Ágwo̱m ta shim kamok kum ni ime̱se̱ng'e Adakunom tá kasa yin nong ta se̱ yin kashesh ne ku te zhe̱l kamok itomong Kabik ne kamok kuno̱o̱k katsak yin be agap.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

Itomong Ámanzo 22:14

“Iyong Ananiya'me fe̱ be mi ye, ‘Adakunom átukop yir ma ka kasa nong ta ren ike̱ng iya wu ta shim. Wan ta di Aner Azhe̱l'e na, ne i fok rife̱ wu.

Itomong Ámanzo 18:10

Kamok mi se mak be wan. Akak sen ka kpa a ta ka man baꞌ, kamok ánerawe whe̱re̱ kaye̱e̱r kuwo̱p na nye anaan.”

Itomong Ámanzo 15:14

aSiman min taas yir kuri iren iya Adakunom tá tonong kushim wu ni ime̱se̱ng'e a tá kasa áfu kaye̱e̱r aner aya sang á tá nye aner aYahuda baꞌ.

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

aYohana 10:2

Aner aya a ta gor nanu kaming'e nye afek itsamang'me.

1 aBitrus 5:4

Nong ase̱ izen iya aKiristi aya a ta nye Agbang Afek ánerawe tana be̱, a ta ka no̱o̱k yin ribong rigwo̱m rife̱ kuyiik riya sang ri tana te rish baꞌ.

aYohana 10:3

Aner aya a ta tor kaming itsamang'me ta karak afek itsamang'me kaming'e. Ne itsamang'e fok kuto̱ afek ba. A yis itsamang wu'me be ayerek ba. Ne a ku tun ba nufang.

aYohana 10:4

Nizen iya ne a tun ifu cice̱r, ne wu tseng nasho̱o̱n ne itsamang'me ku kuus kamok ba ren kuto̱ wu.

aYohana 10:5

Itsamang'me tà kuus aner atsen baꞌ, i tu ku teng kamok ba ren kuto̱ aner atsen'e baꞌ.”

aYohana 17:20

“Aduwa mi se kamok awan ba tsek baꞌ Amma mi nye aduwa kamok áya a tanin no̱o̱k katsak ni mi gip, kamok rife̱ ba.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aLuka 15:8

“Ke abining akak be íca itso̱m kuso̱k, izining ra wei, aser a tin te kuro̱ng na apitila nong a ta re̱ng kaye̱e̱r kasa'me ne a ni te iso̱r ni itse̱r'e aꞌa?