aYohana 10:10 - Izere New Testament

¹⁰ Akpatang be̱ kamok itsang tsek ne a fe̱r ne a beseng. Amma mi be̱ nong á ta se̱ kutser, á ta se̱ kutser'e kpe̱.

aYohana 10:10 Referans Kwoze

aLuka 19:10

Kamok Igon Anerawe be̱ nong a tà tse̱r ne a shesh ike̱ng i tan wei.”

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aYohana 12:47

“Koangan afe a ta fok rife̱ mi amma a kuus baꞌ, mi ne i tù ku to̱ amok baꞌ, kamok mi be̱ nong ta to̱ kazatse amok baꞌ, amma ta shesh kazatse'me.

aYohana 6:33

Naya Adakunom nye aya a tá ne naza a tá tiik kaben ne a no̱o̱k kazatse kutser.”

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

aYohana 10:1

“Katsak'e ne mi ta ka tak yin, aner aya ne sang a no̱ naming ítsamang, nanu kaming'e baꞌ, amma a ngarak ni iren ikak, i nye ye, a nye akpatang.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

2 aBitrus 1:11

Be anong ne a tà ka shan yin ibo̱k ifa kaye̱e̱r rigwo̱m Agwo̱m Ágwo̱m rife̱ izen izen rife̱ Aner Kashesh yir.

Ibrani 6:17

Adakunom shim a ta tonong aner aya a tana di ike̱ng iya wu tá fe̱ ye wu shishing baꞌ, yong a shu.

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

aRom 2:21

To̱, wan afe i ta bo̱so̱p ánerawe'me, wan naka bo̱so̱p e̱ a? Wan afe i ta taas ye, rife̱ Adakunom roon itsang, wan nye itsang aꞌa?

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aMarkus 11:17

Ne a ku bo̱so̱p ba'me ye, “I se ni izibir ye, “ ‘A ta yis kasa mi ye, kasa aduwa ánerawe kazatse cice̱r.’ “Amma yin n sok yin nong i ta min nye yin karo̱ kune̱re̱ng ágbang akpatang.”

aYohana 12:6

aYahuza fe̱ anong sang kamok wu tá daam be áfe rizor baꞌ, amma kamok wu tá nye akpatang. Wu ne a tá ceshek ishika itso̱m ba, a bo̱s azong ne a ni tobok rice wu.

aMatiyu 21:13

Ne a fe̱ be ba ye, “I se ni izibir ye, ‘A tà yis kasa mi ye, kasa aduwa,’ amma yin n sok yin i ta min nye yin kutas ágbang ákpatang.”

aYohana 5:40

Gip be anong, yin gaar yin kube̱ nunaan nong tà se̱ yin kutser.

aYohana 10:11

“Mi ne i nye afek atek. Afek atek no̱o̱k rice wu kamok itsamang wu.

aMatiyu 18:11

[Kamok Igon Anerawe be̱ nong a ta shesh ike̱ng iya i tá wei.]