aYohana 1:7 - Izere New Testament

⁷ A be̱ nong a tá be̱ taas katsak natoon akanang'e, nong ase̱ kamok wu ne ánerawe cice̱r tin no̱o̱k katsak.

aYohana 1:7 Referans Kwoze

Itomong Ámanzo 19:4

aBulus fe̱ ye, “aBatisma aYohana tá nye, a nye afe kushishing kuse. aYohana taas ánerawe ye á rin no̱o̱k katsak natoon aner a tana be̱ nama wu, aner'e nye aYeso.”

aYohana 1:36

Nizen a tá di aYeso ta sen gor, a fe̱ be ba ye, “Di yin, Aturuk Adakunom!”

aYohana 1:12

Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

aYohana 1:9

Akanang afe katsak aya a ta nyeseng ánerawe akanang cice̱r kaye̱e̱r kazatse saase.

aYohana 1:15

aYohana fe̱ itak natoon wu. A tá kuto̱ nong a tá fe̱ ye, “Ayu ne a nye aya mi tá fe̱ itak natoon wu nizen iya mi tá fe̱ ye, ‘Aya a tana be̱ nama mi, a ti nar, kamok wu tuse nizham a tá rin tes.’ ”

2 aBitrus 3:9

Ákak di kyo̱ndi Adakunom mak a sok izen nizham a tá ra nye ike̱ng iya wu tá tsang a fe̱ ye wu tá nye. I se anong baꞌ. A be kutsesek ne kamok yin, a shim akak tu wei baꞌ amma koangan ra shishing kuse wu.

aTitus 2:11

Kamok Adakunom tonong ritek wu nong ánerawe cice̱r ta se̱ kashesh.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

1 aTimoti 2:4

Wu shim ánerawe cice̱r ta se̱ kashesh ne á ren iren katsak.

aYohana 1:19

Iyu ne i nye ike̱ng ife aYohana tá fe̱ nizen iya áner aYahuda aya a tase na aUshalima tá tom átsi ne áner aLawi ye á ra su ku rip ye, “Wan nye angan e̱?”

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.