aYohana 1:51 - Izere New Testament

⁵¹ Iyong aYeso bun a fe̱ be wu ye, “Mi ta ka tak katsak'e, wan tà di kaza nukarak, ne ámaleka Adakunom ngarak naza ne á tisik natoon Igon Anerawe.”

aYohana 1:51 Referans Kwoze

Itomong Ámanzo 7:56

Ayong Itifanus'e fe̱ ye, “Di yin, mi di kaza nukarak ne mi di Igon Anerawe tan nyeseng nubo̱k riya Adakunom.”

aLuka 22:43

Ayong amaleka ne naza nong a tú ku tsesek.

aLuka 2:13

Nizen izining rigwo̱m ámaleka áfe a ta se kaye̱e̱r kaza wuruk nong á tá kerek Adakunom mak be amaleka ame ye,

aMarkus 14:62

aYeso fe̱ be wu ye, “Ei, yin tà di yin Igon Anerawe nusonong nukim kubo̱k riya Aner Kukyem. A ta saase kaye̱e̱r ane̱n natoon kaza.”

aMarkus 1:10

Kum be kuwuruk wu kaye̱e̱r ashi'me ne a di kaza nukarak ne Kabik Kazhe̱l'e kyo̱ndi abo̱p ti tiik ni wu.

aMatiyu 3:16

Kum a tá fa nye aYeso abatisma ame ne a wuruk kaye̱e̱r ashi'me, ne kaza wor ka karak ne a di Kabik Adakunom kyo̱ndi abo̱p ti tiik ni wu.

Itomong Ámanzo 10:11

A di kaza nukarak ne ike̱ng ikak igbang'e kyo̱ndi ike̱ng kunak kiis, a tá sen tisik nikes'e kazatse inaas kaben.

aLuka 3:21

Nizen iya a tá nye ánerawe'me abatisma cei, a nye aYeso'me gip. aYeso ta se be i nye aduwa, kaza karak,

aMatiyu 4:11

Iyong Ishetan tú ku won. Ámaleka be̱ nong a tin sak riye̱ na aYeso ame.

Ike̱ng a ta tonong aYohana 19:11

Mi di kaza nukarak ne i di itsaap ikan nunyeseng. A yis aner aya a tin ngarak natoon itsaap'e ye Aner Katsak be Katsak. A to̱ amok natoon katsak ne a nye itsom kamok katsak.

Ike̱ng a ta tonong aYohana 4:1

Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”

2 aTasalonika 1:7

ne a ka tun yin kaye̱e̱r risam'me mak be yir gip. A tà nye anong nizen iya aYeso Agwo̱m Ágwo̱m tana wuruk kanang naza be rigyem kuro̱ng ne ámaleka wu áya a ta ba kukyem.

aLuka 2:9

Amaleka Adakunom ti wuruk niba ne akanang kuyiik Adakunom ku gorok ba ma inyim tú ro̱ ba dide̱ng.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aYohana 10:1

“Katsak'e ne mi ta ka tak yin, aner aya ne sang a no̱ naming ítsamang, nanu kaming'e baꞌ, amma a ngarak ni iren ikak, i nye ye, a nye akpatang.

aLuka 22:69

Kyo̱o̱rna, Igon Anerawe tà sonong nubo̱k riya Adakunom afe kukyem.”

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

aZhud 1:14

aEnok gip, a ta se kaye̱e̱r izam ife kanataar nama Adamu, wu gip a nye kuzarap natoon áner ayong ye, “Di yin, Agwo̱m Ágwo̱m ta saase be áfu ázhe̱l'e izungu natoon izungu izungu,

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

aYohana 14:12

Mi ta tak yin katsak'e, koangan afe a tin no̱o̱k katsak ni mi, a tà nye ike̱re̱ iya mi tá nye. Ma i tà nar iya mi tá nye, kamok mi be nufe Ada'me.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aLuka 24:4

Kum ne ba ru to̱ natoon'e, ne áner ákak ba afa be ares akan á tá gye̱se̱m ti wuruk nukim ba.

aMatiyu 26:24

Igon Anerawe tà ku kyo̱ndi a tá zibir kaye̱e̱r kufumung kuzhe̱l'e, amma awo̱ be aner aya a tana re̱p Igon Anerawe. Aner na, i tú ku nar ke a fa ku kutes baꞌ.”

aYohana 21:18

Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.”

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aYohana 6:32

Ne aYeso fe̱ be ba ye, “Katsak'e, mi ta ka tak yin, sang aMusa ne a tá ka no̱o̱k yin naya na tá ne natoon kaza'ong baꞌ, amma Ada mi ne a tá ka nyesek yin naya nafe katsak na ta ne naza.

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

aYohana 16:20

Katsak ne mi ta ka tak yin, yin tà tos ne i nye yin riye̱ riwe ne kazatse nye riye̱ rikan. Yin tà nye yin riye̱ riwe, amma riye̱ riwe yin tà kubun ri ta te riye̱ rikan.

aYohana 13:16

Katsak'e, mi ta ka tak yin, asam nar atekasa wu baꞌ, ka atom ta nar aner a tu ku tom baꞌ.

aYohana 10:7

Kamok anong, aYeso bun a fe̱ be ba gbak ye, “Katsak'e ne mi ta ka tak yin, mi ne i nye kanukutu itsamang'e.

aYohana 6:53

Ayong aYeso fe̱ be ba ye, “Katsak'e ne mi ta ka tak yin, ma ke yin ya yin rinam kuro̱m Igon Anerawe ne i so̱ yin naso̱k wu ke anong baꞌ, yin be yin kutser kaye̱e̱r yin baꞌ.

aYohana 5:27

Ne a ku no̱o̱k iren kuto̱ amok, kamok wu ta nye Igon Anerawe.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aMatiyu 9:6

Amma mi shim yin ta ren yin ye, Igon Anerawe be kukyem a tanin re̱ng rine̱n kaye̱e̱r kazatse,” iyong a fe̱ be aner aya a tá we̱ abas azining ame ye, “Dorok tá sok ike̱re̱ kameneng wan ta be kari.”

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aYohana 16:23

Katuk kayong yin tà bin rip yin ike̱ng ikak baba baꞌ. Katsak ne mi ta ka tak yin, Ada'me tà ka no̱o̱k yin koakye ike̱ng yin tana rip yin kaye̱e̱r riyerek'i.

aYohana 13:38

Ayong aYeso fe̱ be wu ye, “Katsak'e wan tà no̱o̱k rice wan kamok mi a? Katsak'e ne mi ta ka tak, nizham atso̱n ta ra te̱p, wan tà fe̱ ye wan ti ren baꞌ, kutak kutaar.

aYohana 8:58

aYeso fe̱ be ba ye, “Katsak'e ne mi ta ka tak yin, nizham a tá ra tes Ibrahim ‘Mi Nye I Nye.’ ”

aYohana 8:34

aYeso fe̱ be ba ye, “Katsak'e, mi ta ka tak yin, koangan ne a nye rine̱n a nye asam rine̱n.

aYohana 6:26

aYeso fe̱ be ba ye, “Katsak'e, mi ta ka tak yin, yin tsang ni itse̱r yin, kamok yin tá ya yin abiredi ame i tá whas yin amma sang kamok yin tá di yin itomong azhing iya mi tá nye baꞌ.

aYohana 1:50

Ne aYeso fe̱ ye, “Wan ti no̱o̱k katsak kamok mi tá ka tak ye mi tá di ritin atafo a? Wan tà di ike̱re̱ azhing iya i ta nar iyong.”