aYohana 1:50 - Izere New Testament

⁵⁰ Ne aYeso fe̱ ye, “Wan ti no̱o̱k katsak kamok mi tá ka tak ye mi tá di ritin atafo a? Wan tà di ike̱re̱ azhing iya i ta nar iyong.”

aYohana 1:50 Referans Kwoze

aYohana 11:40

Ayong aYeso fe̱ be wu ye, “Mi di ye, mi tsang i ka tak ye, ke wan ti no̱o̱k katsak, wan tà di kuyiik Adakunom a?”

aYohana 20:29

Ne aYeso fe̱ be wu ye, “Kamok wan tin di ne wan ti no̱o̱k katsak. Aner riye̱ rikan ne a nye aner aya a tin di baꞌ, amma ne a ni no̱o̱k katsak.”

aLuka 1:45

Aner aya a ta se̱ ritek Adakunom ne a nye wan aya i tin no̱o̱k katsak ye, ike̱ng Agwo̱m Ágwo̱m tá fe̱ be wan tà shining.”

aMatiyu 25:29

Kamok koangan afe a ta be ike̱ng, a tu ku barang mo nong i ta se̱ whe̱re̱. Aner'e a ta be baꞌ, ihiir'e wu tá be'ong gip a tin shan ni wu.

aLuka 7:9

aYeso tá fa fok anong ne a te zhing, ne a kirik a tá fe̱ be rigwo̱m ánerawe a tú ku kuus ame ye, “Mi ta ka tak yin, mi kun di aner akak kaye̱e̱r áner Isarela afe a ta be kuno̱o̱k katsak be agap kyo̱ndi aner na baꞌ.”

aMatiyu 13:12

Aner afe a ta be ike̱ng, a tú ku barang mo, nong i ta se̱ whe̱re̱. Aner afe a ta be baꞌ, cie̱k wu ta be'me gip, a tin shan ni wu.

aMatiyu 21:19

Ayong a di ritin atafo nukim iren, ne a tseng ritin'e ko a ra se̱ agbang'e baꞌ, ma awan áfumung tsek. Ayong a fe̱ be ritin atafo'me ye, “Sang wan ta ba tes agbang nigaan'e baꞌ.” Nizen izining ritin atafo'me wor ri koor.

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aYohana 1:51

Iyong aYeso bun a fe̱ be wu ye, “Mi ta ka tak katsak'e, wan tà di kaza nukarak, ne ámaleka Adakunom ngarak naza ne á tisik natoon Igon Anerawe.”