aYohana 1:49 - Izere New Testament

⁴⁹ Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aYohana 1:49 Referans Kwoze

aYohana 1:34

Mi di anong, kamok anong mi ta kyem i fe̱ koakye natoon wu ye, wu ne a nye Igon Adakunom.”

aLuka 19:38

Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”

aMatiyu 27:42

“A shesh ákak, amma ko a kyem a shesh rice wu baꞌ. Ke wu ne a nye agwo̱m áner Isarela, a ra tiik kaben nong yir tin no̱o̱k yir katsak ni wu.

aMatiyu 21:5

“Tak yin ángas aUshalima ye, ‘Di, yin agwo̱m yin saase nufe yin. A se whiwhe̱, an ngarak natoon igon azhaki.’ ”

aMatiyu 2:2

Á ta se rip ye, “Agwo̱m áner aYahuda aya a tá tes ame se ake̱ e̱? Yir di yir adar wu nabas kuwuruk kunom, iyong ne yir m be̱ yir nong tù ku ya yir iben.”

aYohana 1:38

aYeso kirik a tu di ba á ta sen ku kuus ne a ku rip ba ye, “Yin tse̱r yin akye̱ e̱?” Ne ba fe̱ ye, “aRabbi (i ta sor Aner Kubo̱so̱p), wan sor ake̱ e̱?”

aMatiyu 27:11

Nizen iya aYeso tá se nunyeseng nasho̱o̱n agwo̱mna'me yong a tú ku rip ye, “Wan ne i nye agwo̱m aner aYahuda a?” Ne aYeso fe̱ be wu ye, “Wan ne wan fe̱ anong.”

aMatiyu 14:33

Áya a ta se kaye̱e̱r kukpara ashi'me tú ya iben ne á fe̱ be wu ye, “Katsak'e, wan nye Igon Adakunom.”

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

aMatiyu 23:7

Á shim ánerawe tú ku nye ba ashou kyo̱ndi ágbang aner ni naro̱ rizhik ne a ku yis ba ye, ‘Áner kubo̱so̱p.’

aMatiyu 23:8

“Amma yin, sang a ta ka yis yin ye, ‘Áner kubo̱so̱p’ baꞌ, kamok aner kubo̱so̱p yin se azining tsek. Yin nye yin áner be áronyining.

aMarkus 15:32

Won aKiristi na, ye wan nye Agwo̱m Isarela, tiik kaben kyo̱o̱rna nong yir ta di yir nong tin no̱o̱k yir katsak!” Ágbang ákpatang áya a tú ku tigak ba mak be wu ame, tú ku kok ko'me gip.

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

aYohana 1:50

Ne aYeso fe̱ ye, “Wan ti no̱o̱k katsak kamok mi tá ka tak ye mi tá di ritin atafo a? Wan tà di ike̱re̱ azhing iya i ta nar iyong.”

aYohana 4:31

Natoon anong álimazhiri aYeso tu nye akusuk ye, “Aner kubo̱so̱p, ya naya.”