aYohana 1:31 - Izere New Testament

³¹ Mi tsang i tú ren gbugbang baꞌ, amma mi be̱ be kunye abatisma be ashi nong ta sak áner Isarela tu ku ren.”

aYohana 1:31 Referans Kwoze

aLuka 1:17

A tà tseng nasho̱o̱n Agwo̱m Ágwo̱m kaye̱e̱r kabik be kukyem kuri kufe Iliya nong a tà sak aye̱ átek inoon tà ku bun ni inoon ba, ne a sak áya a ta shonong, ta kuus kutseng aner a ta se gye̱r nasho̱o̱n Adakunom. A tà sak ánerawe tà nye kanye̱k kamok Agwo̱m Ágwo̱m.”

aYohana 1:33

Mi tsang i ku ren baꞌ, amma Adakunom afe a tin tom nong ta nye abatisma be ashi ti tak ye, ‘Aner aya wan di Kabik ti tiik ne a ni sonong natoon wu to̱, wu ne a nye aner kunye abatisma be Kabik Kazhe̱l'e.’

aYohana 1:7

A be̱ nong a tá be̱ taas katsak natoon akanang'e, nong ase̱ kamok wu ne ánerawe cice̱r tin no̱o̱k katsak.

aMatiyu 3:6

Á be̱s ne á taas rine̱n ba ne a ku nye ba abatisma ni Isho̱ng aUrdun ame.

Itomong Ámanzo 19:4

aBulus fe̱ ye, “aBatisma aYohana tá nye, a nye afe kushishing kuse. aYohana taas ánerawe ye á rin no̱o̱k katsak natoon aner a tana be̱ nama wu, aner'e nye aYeso.”

aMatiyu 3:13

Nizen iyong aYeso dorok na aGalili a ta be ni Isho̱ng aUrdun nong aYohana tá su ku nye abatisma.

aYohana 1:30

Ayu ne a nye aya afe mi tin fe̱ natoon wu ye, ‘Aner aya a tana be̱ nama mi a ti nar kamok wu se nasho̱o̱n'i.’

aYohana 1:32

Ayong aYohana no̱o̱k a sheda na ye, “Mi di Kabik Kazhe̱l'e ta ne naza kyo̱ndi abo̱p ka tin tiik natoon wu.