aYohana 1:19 - Izere New Testament

¹⁹ Iyu ne i nye ike̱ng ife aYohana tá fe̱ nizen iya áner aYahuda aya a tase na aUshalima tá tom átsi ne áner aLawi ye á ra su ku rip ye, “Wan nye angan e̱?”

aYohana 1:19 Referans Kwoze

aYohana 10:24

Áyong áner aYahuda tú gorok nong á tá fe̱ be wu ye, “Ma akye̱ izen ne wan tin won yir kaye̱e̱r agak riye̱ e̱? Ke wan ne i nye aKiristi'me, ne wan ni tak yir kanang.”

Itomong Ámanzo 19:4

aBulus fe̱ ye, “aBatisma aYohana tá nye, a nye afe kushishing kuse. aYohana taas ánerawe ye á rin no̱o̱k katsak natoon aner a tana be̱ nama wu, aner'e nye aYeso.”

Itomong Ámanzo 13:25

Nizen iya aYohana tá be̱ barak a tá gang itomong wu yong a fe̱ ye, ‘Yin di yin ye mi nye angan e̱? Sang mi ne i nye aner aya yin ta sen tor yin'e baꞌ. Aner ayong saase nama mi. Mi kyem ta bisik idun akpatak wu gum baꞌ.’

aYohana 2:18

Ne áko̱k kasho̱o̱n áner aYahuda be̱ nufu ne á ku rip ye, “Akye̱ kuri itomong azhing ne wan ta kyem i ni tonong yir nong yir ta ren yir ye wan ta kyem i nye anong cei e̱?”

aYohana 5:10

Iyong afu Yahuda fe̱ be aner a tá te atser ame ye, “Katuur nye Asabar, Itsi ta roon i sok ike̱ng kameneng wan.”

aYohana 6:52

Ayong áner aYahuda ame san nanan awan ba be agap ye, “Aner na ta nye ane̱ a tin no̱o̱k yir rinam kuro̱m wu nong ta ya yir e̱?”

aYohana 6:41

Iyong áner aYahuda san anyinye̱m natoon aYeso kamok wu tá fe̱ ye, “Mi ne i nye abiredi aya a tá ne naza.”

aYohana 1:7

A be̱ nong a tá be̱ taas katsak natoon akanang'e, nong ase̱ kamok wu ne ánerawe cice̱r tin no̱o̱k katsak.

aYohana 2:20

Iyong áner aYahuda'me bun á fe̱ be wu ye, “A sok aye̱ iso̱k inaas be igataar a ta ra no̱k agbang kutu kuya Adakunom iben na, ne wan ra no̱k kaye̱e̱r inom itaar a?”

aYohana 5:15

Iyong aner ame tseng nong a tá se tak áko̱k kasho̱o̱n aner aYahuda ye aYeso ne a sak wu ta te atser.

aYohana 5:16

Kamok aYeso tá nye ike̱re̱ na katuk Asabar, áner aYahuda tu tabak.

aYohana 5:18

Kamok anong áner aYahuda tse̱r iren kufe̱r aYeso, sang kamok a tá shorop itsi kunom Asabar tsek baꞌ, amma a yis Adakunom ye ada wu, ne a sok rice wu tite̱re̱ be Adakunom.

aYohana 7:1

Nama anong, aYeso tsang a gorok aGalili. Amma shim a tá tseng kaye̱e̱r aYahudiya baꞌ, kamok áner aYahuda á tá se azong shim a tú ku fe̱r.

aYohana 7:11

Áner aYahuda ame yiir tse̱r aYeso naro̱ riye̱ rikan'e. Ne á risim ye, “Aner ame se akye̱ e̱?”

aYohana 7:15

Ayong áko̱k kasho̱o̱n aner aYahuda te zhing ma á fe̱ ye, “Aner na kun tseng naro̱ kubo̱so̱p baꞌ ko̱, a san ane̱ a ta a ren ike̱ng dide̱ng ana e̱?”

aYohana 8:22

Iyong sak áner aYahuda fe̱ ye, “A tà fe̱r rice wu a? A tá fe̱ ye, ‘Karo̱ kaya mi tù ku be yin ta kyem i tseng yin baꞌ a?’ ”

aYohana 8:48

Ayong áner aYahuda ame fe̱ be aYeso ye, “Aser, yir fe̱ yir katsak yir tá fe̱ yir ye wan nye aner aSamariya aya a ta be amaan nabik a?”

aYohana 8:52

Ayong áner aYahuda'me fe̱ be wu ye, “Kyo̱o̱rna yir ren yir ye wan be amaan kabik! Ibrahim be áner kuzarap Adakunom gip á kus, ne wan ra fe̱ ye, ‘Aner aya a ta ka kuus a tà ku baꞌ.’

aYohana 8:57

Iyong áner aYahuda ame fe̱ be wu ye, “Wan n te aye̱ iso̱k itoon baꞌ, ne wan fe̱ ye wan di Ibrahim a?”

aYohana 10:31

Áyong aner aYahuda ame bun á bo̱s ata nibo̱k nong á tin barak aYeso.

aYohana 11:19

Ánerawe aYahuda dide̱ng be̱s nufe aMarta ne aMarya nong á tú ku nye ba ako̱o̱k be riku aronyining ba.

1 aYohana 1:5

Rife̱ yir tá fok yir nufu ne yir sen ka taas yin ye; Adakunom nye akanang, awhi kuse kaye̱e̱r wu, ko cie̱k baꞌ.