aYohana 1:16 - Izere New Testament

¹⁶ Kaye̱e̱r ritek wu ri ta se dide̱ng ne yir cice̱r se̱ yir ritek natoon ritek.

aYohana 1:16 Referans Kwoze

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

aRom 5:2

Natoon wu ne yir ti se̱ yir iren kuno̱ kaye̱e̱r ritek na yir tin sor yir kaye̱e̱r'e kamok kuno̱o̱k katsak yir. Aye̱ yir kare̱p i ta min te yir riye̱ natoon kuyiik Adakunom.

Afisa 3:19

Ne yin ren yin kushim aKiristi kuya ku ta gor agap kuren anerawe nong ase̱ ta shining yin be kunik kuse Adakunom dide̱ng.

Afisa 1:23

Áfikuus'e nye kuro̱m aKiristi. Kaye̱e̱r áfikuus'e ne aKiristi shining, kyo̱ndi wu be rice wu ta shining koakye kuri ike̱ng kaye̱e̱r koakye kuri iren.

aRom 5:17

Rine̱n aner azining sak riku ti nye rigwo̱m natoon koangan. Amma áya a ta shan agbang ritek ne kunang kuse gye̱r nasho̱o̱n Adakunom tà nye rigwo̱m kaye̱e̱r kusor kufas kamok aner azining'ong aYeso Kiristi.

aYohana 3:34

Kamok aya Adakunom ta tom fe̱ rife̱ Adakunom, kamok Adakunom tu ku no̱o̱k Kabik wu dar igak.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

aMatiyu 13:12

Aner afe a ta be ike̱ng, a tú ku barang mo, nong i ta se̱ whe̱re̱. Aner afe a ta be baꞌ, cie̱k wu ta be'me gip, a tin shan ni wu.

aKolosi 2:3

Kaye̱e̱r wu ne a ne̱r ayiik kukyem ne kuren ike̱ng cice̱r.

aRom 8:9

Amma yin, Kabik Adakunom ne ka ti nye rigwo̱m natoon yin sang rine̱n baꞌ, ke Kabik Adakunom sor kaye̱e̱r yin. Aner aya a ta be Kabik aKiristi baꞌ, a nye afe aKiristi baꞌ.

aLuka 21:15

Kamok mi tà ka no̱o̱k yin ike̱ng iya yin tana fe̱ yin be kukyem kuya sang ámudo̱n yin tana kyem á ya kanu be yin baꞌ.

aMatiyu 3:14

aYohana shim a tú ku roon'e, iyong a fe̱ ye, “Gye̱r ke mi be̱ nufuan nong wan tin nye abatisma, ne wan bun i be̱ nunaan ingya a?”

aMatiyu 3:11

“Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

1 aBitrus 1:11

Ba shim nong á ta ren izen'e be kuri iren kashesh'e Kabik aKiristi ka ta se kaye̱e̱r ba tu ku tak ba natoon'e nizen a tá fe̱ itak natoon risam aKiristi be kuyiik wu tana se̱ nama risam'me.

aRom 5:20

Ike̱ng i tá sak a ta nye Itsi se nong rine̱n tà wuruk kanang. Amma nizen iya ne rine̱n tin barang, ne ritek Adakunom nibarang dide̱ng,