aYohana 1:14 - Izere New Testament

¹⁴ Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 1:14 Referans Kwoze

1 aYohana 4:9

Ana ne Adakunom tonong kushim wu kaye̱e̱r yir. A ta tom asuze̱r Igon wu kaye̱e̱r kazatse na nong ase̱ yir tà se̱ yir kutser kamok wu.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aYohana 1:1

Ni ime̱se̱ng'e nye Rife̱, Rife̱'me se be Adakunom, Rife̱'me nye Adakunom.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

1 aKoranti 15:47

A nye anerawe afe ime̱se̱ng'e be iben tsek, aner afe afa'me ne naza a tá be̱.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

aKolosi 2:9

Kamok kaye̱e̱r aKiristi ne kuse Adakunom sor kaye̱e̱r kuro̱m,

2 aYohana 1:7

Áfe kuwo̱ro̱k ánerawe whe̱re̱ ye sang aYeso Kiristi be̱ nuro̱m baꞌ, án no̱ kaye̱e̱r kazatse. Ke aner akak fe̱ anong i nye ye a be abo̱o̱s ne i nye ye a nye amudo̱n aYeso Kiristi.

Ike̱ng a ta tonong aYohana 21:3

Ne mi fok kuto̱ kukak tá wuruk be agap naro̱ itsik rigwo̱m ame ye, “Di yin, Karo̱ kusor Adakunom n tiik kaben mak be ánerawe, ka tà sor mak be ba. Ba tà te ánerawe wu ne Adakunom be rice wu se mak be ba ne a bun a sor Adakunom ba.

Ibrani 5:5

Anong ne, aKiristi gip, a se̱ kuyiik kusor agbang atsi be rice wu baꞌ. Amma Adakunom ne a fe̱ be wu ye, “Wan ne i nye Igon mi, katuur mi n te Ada wan.”

Ibrani 10:5

Kamok anong, nizen iya aKiristi tá be̱ nazatse, a fe̱ ye, “Asidaka be kunyesek ike̱re̱ ne wan shim baꞌ, amma kuro̱m ne wan nye kanye̱k'e.

aYohana 11:40

Ayong aYeso fe̱ be wu ye, “Mi di ye, mi tsang i ka tak ye, ke wan ti no̱o̱k katsak, wan tà di kuyiik Adakunom a?”

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aYohana 2:11

Iyu ne i nye ike̱ng azhing ife ime̱se̱ng aYeso tá nye, a nye nuwo̱p aKana niben aGalili. A tonong kuyiik wu azong, yong álimazhiri wu ti no̱o̱k katsak ni wu.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

Ibrani 1:5

Kamok amaleka akak kuse Adakunom tá kun fe̱ be wu ye, “Wan nye Igon'i, katuur mi n te Ada wan” baꞌ. Ka ye, “Mi tà te Ada wu, ne wu ma te Igon'i” baꞌ.

aYohana 14:9

Ne aYeso fe̱ be wu ye, “aFilibus, wan ti ren aꞌa? Mi ta kun sor mak be yin izen dide̱ng na. Koangan a tin di, a di Ada'me. Akye̱ sak wan tá fe̱ ye, ‘Ni tonong yir Ada'me e̱?’

aLuka 9:32

Ida yising aBitrus be áfudang wu, á tá fa te kparak, ne á di kuyiik aYeso be áner afa ame nunyeseng be wu.

aYohana 17:22

Mi ma ka no̱o̱k ba kuyiik afe wan tin no̱o̱k, nong ase̱ ba tà te azining kyo̱ndi yir ta se yir be wan.

aYohana 3:18

Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.

Ibrani 2:11

Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

2 aKoranti 12:9

amma a fe̱ be mi ye, “Ritek'i ta kyem, kamok kaye̱e̱r kuraar wan ne a ta di agap kukyem'i.” Kamok anong, be riye̱ rikan mi tin barang kuya kuka kaye̱e̱r kuraar'i na nong ase̱ agap kukyem aKiristi ta se mak be mi.

aMatiyu 1:16

Ne aYakub tes aYusufu a tá nye amitek aMarya aya a tá tes aYeso, aya a tú ku yis ye aKiristi.

aKolosi 2:3

Kaye̱e̱r wu ne a ne̱r ayiik kukyem ne kuren ike̱ng cice̱r.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!

aLuka 2:7

yong a tes acam, igon ime̱se̱ng wu. A kunung be ítan ares nong a tá mees nukpara a tin korok itsamang naya, kamok ba se̱ kasa naro̱ átsen tú ku tisik baꞌ.

Itomong Ámanzo 13:33

A min nye yir'e nabon ba kamok a dorok aYeso nure̱k. Kyo̱ndi i ta se ni izibir kaye̱e̱r kufumung aZabura afe afa ye, “ ‘Wan nye Igon'i, katuur mi sor Ada wan.’

aYohana 8:32

Ne yin ren yin katsak, ne katsak'e ka sak yin tà sor yin ne̱k.”

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

Ike̱ng a ta tonong aYohana 19:13

Kukpiin a tá te, a shumung kaye̱e̱r naso̱k. Riyerek wu nye, Rife̱ Adakunom.