aYohana 1:12 - Izere New Testament

¹² Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

aYohana 1:12 Referans Kwoze

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aRom 8:14

Kamok áner aya ne Kabik Adakunom tu ku ko̱k ba kasho̱o̱n ne á nye inoon Adakunom.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

aYohana 3:18

Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

aKolosi 2:6

To̱, kum yin ta shan yin aYeso aKiristi a ta te Agwo̱m Ágwo̱m yin, ya yin kasho̱o̱n be kusor yin kaye̱e̱r wu.

aMatiyu 10:40

“Koangan afe a ta ka shan yin a ti shan mi. Koangan afe a tin shan a shan aner aya a tin tom.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

2 aBitrus 1:4

Kamok ike̱re̱ iyong ne wu ti no̱o̱k yir ágbang ike̱re̱ i ta be kuyiik dide̱ng iya wu tá tsang a fe̱ ye wu tin no̱o̱k yir, nong ta gung yir rice be kuri kuse Adakunom nong ta wher yir amaan kuse kazatse na ku ta be̱s'e kaye̱e̱r aye̱ yir.

aMatiyu 12:21

Áner áfe sang á ta nye aner aYahuda baꞌ tin te riye̱ ba riyerek wu.”

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

Itomong Ámanzo 3:16

Kukyem riyerek aYeso, kamok kuno̱o̱k katsak wu riyerek aYeso ne aner na ti se̱ agap atak wu. Riyerek aYeso ne kuno̱o̱k katsak wu ta be ne ku tú ku no̱o̱k kute atser cice̱r na, kyo̱ndi yin tu ku ye̱re̱k yin.

aYohana 11:52

Sang kamok áner aYahuda tsek baꞌ, amma nong a tà tusung áner Adakunom aya a tá te shaam tà te azining.

aYohana 1:7

A be̱ nong a tá be̱ taas katsak natoon akanang'e, nong ase̱ kamok wu ne ánerawe cice̱r tin no̱o̱k katsak.

aMatiyu 18:5

Koangan afa a ta shan igon kahiir'e kyo̱ndi kayu na kaye̱e̱r riyerek mi, mi ne ti shan.

aYohana 2:23

Nizen aYeso tá rusek na aUshalima, nizen aPasova, ánerawe whe̱re̱ di itomong azhing wu tá nye ne á ni no̱o̱k katsak ni wu.

aYohana 1:11

A be̱ nufe iya i tá nye afu, amma áfu'me tu ku shan baꞌ.

aRom 8:16

Kabik Adakunom be rice wu nyim be kafe yir a ta tonong ye yir nye yir inoon Adakunom.

aRom 8:19

Koakye ike̱ng Adakunom ta nye sen tor be ifeng nong á tà di inoon Adakunom'me.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

1 aYohana 3:10

Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.