aYohana 1:11 - Izere New Testament

¹¹ A be̱ nufe iya i tá nye afu, amma áfu'me tu ku shan baꞌ.

aYohana 1:11 Referans Kwoze

aLuka 19:14

“Áner wu tú shim baꞌ. Ayong á tom ákak nong á tú ku kuus nama nong a tá se tak'e ye, ‘Yir shim yir aner na tà te agwo̱m yir baꞌ.’

aYohana 3:32

Ike̱re̱ iya wu ta di ne a fok ne wu fe̱ natoon'e, gip be anong ko akak shan rife̱ wu baꞌ.

aMatiyu 15:24

A fe̱ be ba ye, “A ti tom nufe itsamang Isarela iya i ta wei tsek.”

aRom 15:8

Kamok mi sen ka tak yin ye ike̱ng i ta sak aKiristi tá aner aya a tá nye áner aYahuda itomong, se nong a tá tonong katsak rife̱ Adakunom, nong ase̱ ike̱ng iya Adakunom tá fe̱ ye a tá nye gbugbang be átukop yir, ta shining

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

Itomong Ámanzo 13:26

“Ároneng, inoon atukop yir Ibrahim be yin áner i ta nye yin áner Isarela baꞌ, áya i ta fok yin inyim Adakunom, kutom itak kashesh kuya Adakunom ta tom na'me nye kufe yir cice̱r.

aRom 9:1

Katsak'e, ne mi fe̱ kamok aKiristi, sang mi bo̱ abo̱o̱s baꞌ, kaye̱e̱r kuto̱ro̱ng'i ne ike̱ng iya Kabik Kazhe̱l'e tin tonong, mi no̱o̱k katsak ye i nye katsak.

aYohana 1:10

Rife̱'me se kaye̱e̱r kazatse gbugbang, kamok be wu ne a tin nye kazatse, gip be anong kazatse'me tu ku ren baꞌ.

aYohana 1:12

Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

aYohana 19:27

Ne a fe̱ be alimazhiri'me ye, “Ango̱ wan'ong.” Kum nizen iyong álimazhiri'me tseng be anyining aYeso'me kari wu.

Itomong Ámanzo 21:6

Nama yir ta naka nye yir atato̱, yir se no̱ yir nukpara ashi ne ba kubun kari.