aYakub 5:16 - Izere New Testament

¹⁶ Kamok anong naka taas yin rine̱n yin, ne i naka nye yin aduwa nong a se ta te yin atser. Aduwa aner ajel'e be agap dide̱ng ne nye itomong.

aYakub 5:16 Referans Kwoze

aMatiyu 21:22

Ke yin no̱o̱k yin katsak, koakye ne yin ta rip yin kaye̱e̱r aduwa a tà ka no̱o̱k yin.”

aYohana 9:31

Yir ren yir ye, Adakunom fok áfe rine̱n baꞌ, amma a fok áya a tú ku tiyiik ne á nye ike̱ng iya wu ta shim.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

1 aYohana 3:22

Adakunom tin no̱o̱k yir koakye yir tu ku rip yir, kamok yir kuus yir rife̱ wu ne i nye yir ike̱re̱ wu ta shim.

Itomong Ámanzo 19:18

Áner áfe a tin no̱o̱k katsak nizen iyong wuruk whe̱re̱ á tá taas amaan kunye ba gbugbang nasho̱o̱n ánerawe.

1 aTasalonika 5:17

Nye yin aduwa koakye izen.

Ibrani 12:13

“Kuus yin iren itek nong fan kutak kuya sang kuta nye kutser baꞌ” bu te kukun'e.

1 aTasalonika 5:25

Ároneng, nye yin aduwa kamok yir gip.

aMatiyu 3:6

Á be̱s ne á taas rine̱n ba ne a ku nye ba abatisma ni Isho̱ng aUrdun ame.

Ibrani 13:18

Nye yin aduwa kamok yir. Kuto̱ro̱ng riye̱ yir se gye̱r, yir shim ta nye yir ike̱ng iya i ta se gye̱r kaye̱e̱r koakye iren.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

aRom 5:19

Kyo̱ndi kushonong aner azining tá sak ánerawe whe̱re̱ ta te áfe rine̱n, anong ne aner whe̱re̱ ta se̱ kute gye̱r nasho̱o̱n Adakunom kamok kuwon dar kushonong aner azining.

aRom 3:10

Kyo̱ndi i ta se kaye̱e̱r izibir ye, “Akak kuse a ta se gye̱r nasho̱o̱n Adakunom baꞌ, ko azining.

Ibrani 11:4

Natoon kuno̱o̱k katsak ne aHabila ti nye Adakunom asidaka afe a tá nar afe aKayinu. Be anong ne a se̱ kushim Adakunom ye wu nye aner atek nasho̱o̱n Adakunom kamok a shan asidaka wu. aHabila n ku, amma kamok kuno̱o̱k katsak wu a ru fe̱ kanu ma kyo̱o̱rna.

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

aLuka 9:6

Iyong á dorok á tsang á tseng ni iwo̱p izhizhe̱k'e, ne á taas Rife̱ Ritek'e, ne á sak ánerawe ta te atser koake̱ ne á no̱.

aMarkus 1:5

Ánerawe iben aYahuda ne áfe aUshalima wuruk cice̱r nong a tá be̱s nufu. Á taas rine̱n ba, ne a ku nye ba abatisma kaye̱e̱ isho̱ng aUrdun.

Itomong Ámanzo 8:24

Ayong aSiman'me fe̱ ye, “Ni nye aduwa nong ike̱re̱ wan tá fe̱ tin se̱ ba'.”